Rosanne黄婉君自资六位数拍新歌MV　性感雨战六猛男：底裤都湿晒

黄婉君（Rosanne）虽然是2子之母，但保养得非常好，颜值依然高企，身型亦不输时下少女，而且她对唱歌热情丝毫没有减退，早前更回归乐坛，推出新歌《帅起来 Are You Gonna Show》，一圆跳唱歌手梦。

为配合新歌，黄婉君今次还自资六位数拍摄MV，认真揼本。不过对她而言，最难其实是跳舞，黄婉君早前接受《香港01》专访时，就坦言被跳舞难到：“原来我系唱歌就跳唔到舞，跳舞就唱唔到歌，所以要练到好似走路咁自如。”

不过经过一番地狱训练后，黄婉君舞技大大提高。她表示为了拍摄这个MV，事前筹了三个月，排练这只舞都练了两个半月。而且今次她还身兼多职，除了跳唱外，还担任MV监制：“我第一次做自己MV嘅监制，要咩Mood，要咩灯光，要喺室外拍摄，要咩艺术视觉，要着咩衫等等都要亲力亲为。最后见咗三个导演，终于拣咗王舒怡 （Zoe Wong）司徒颖贤（KK SZETO）呢两位非常出色嘅导演，亦都首次同跳舞导师 Jervin Racan合作，至于MV中六位男Dancers都系猛男导师，平时我都系上佢哋嘅堂。”

谈到MV中性感又野性的造型，黄婉君特意找来大师级形象师Derek Ho帮她打造，直言：“我非常之钟意我MV中嘅形象，系健康嘅火辣。”黄婉君又坦言拍摄过程一点都不容易，因拍摄当日天气很冻，她们由下午4:30拍到凌晨3:30快12小时，“我去到现场先至发觉，平时喺studio练舞嘅时候，同喺街跳舞嘅感觉有好大分别。譬如点keep住𠮶个中间线，因为我要企喺中间呀，一转个圈就唔知中间喺边啦。同埋边唱边跳舞，加埋眼神要跟住郁动嘅Camera都系一个挑战。而且当日还要爬到货柜车上，拍摄一啲mood shot。”

至于与Dancers雨中共舞一幕，黄婉君表示：“喺最后嘅个半钟，Dancers同我一齐淋雨跳舞，呢场舞用咗三架水机，我哋都全身湿透，连底裤内衣都湿晒。我已经冻到震晒，但Dancers非常专业，一啲埋怨都冇，感恩有佢哋咁专业嘅精神！”

黄婉君又笑言拍摄当日，她只需要顾住自己跳得好不好，其他事情很放心地交给Production Team，整个拍摄过程非常开心又顺利，令到她想再出快歌再跳多一次。