恨驾女团｜周家怡李靖筠认证绝世好老公 陈家乐自爆BB名：陈设

由周家怡、李靖筠（Gladys）两位女车神主理的介绍靓车节目《恨驾女团》，日前推出的一集请来陈家乐任嘉宾，节目组更借来一架二百多万的凌志开逢跑车拍摄。

近日，家怡及家乐有主演的电影《出租家人》上映，提到拍摄趣事，家乐表示有几场戏令他十分感动，“其中一场我要扮志伟哥个仔打返电话俾佢，𠮶吓我自己系好心痛、好心酸，未roll机之前其实自己好似已经喊咗一次。我哋而家成日都会讲一啲善意嘅谎言，都系因为惊父母担心，宁愿佢讲大话呃佢哋，等佢哋过得舒服啲。”家怡则被爆首映当晚已经喊咗，“因为讲屋企呢啲题材，再加自己有份拍，好容易‘撩’番个角色出嚟，有番啲回忆，好易触动到。Angela（许靖韵）有喊，Elly（艾妮）都有喊。我觉得系一个reminder，细个唔会觉得人生有限期，觉得所有嘢都有好多时间，唔会谂到见得一面得一面。”

对于即将做老豆的家乐，家怡及Gladys暗地里做了一个“好老公check list”出来，包括：⁠冇错都要say sorry先、⁠识帮老婆打卡⁠、⁠认真倾听老婆说话、⁠入得厨房、以老婆为优先、⁠EQ高、赞赏另一半及要感谢另一半，来测试家乐是否一个好老公，不过未开始测试，Gladys已大赞家乐是好老公，“佢超以老婆为优先，陈太系佢嘅世界，我都觉得佢哋系模范夫妻。成日都见到佢赞老婆：‘老婆你好叻呀。’”随后测试马上开始，首先家怡问到家乐会否下厨？家乐则谓没问题，早前更煮了一道蒜蓉粉丝开边蒸虾；之后家怡又问如果自己没有做错事，但老婆很嬲，家乐会否先say sorry，家乐笑说以前不会现在会，“都系为自己将来幸福啫，哈哈。其实有时仲未100%做到，有啲位我系比较钟意同人辩论、辩驳嘅人，尽量啦，呢半年有咗小朋友，太太啲情绪可能会更加容易被触动，我就更加要迁就。”之后家怡又叫家乐帮她们拍照，成品出来后，家怡大赞，“ok㖞，佢真系有好多唔同角度㖞。”经过种种测试﹐二人认为家乐绝对达标，除认可是一名好老公，更是是绝世好男人。

随后三人又谈到为BB改名，家乐直言已有想法，更大赞自己更得好，名字男女都适用，“叫陈彻。”Gladys顿了“吓”了一声！家怡即说：“等阵先，我真系劝你唔好，‘陈设’系用嚟摆㗎！”不过家乐未有理会，继续自顾自继续说：“英文名我都谂埋㗎啦，（Gladys：Furniture！）唔系，叫Deco。”家怡笑问是否想小朋友将来做设计师？Gladys又问陈太是否批准，家乐坦言未获批准，但自己喜欢两个字的名字。问到为甚么要这样做，家乐谓：“有型啫！”但家怡及Gladys即装出嫌弃的神情，家怡更谓：“你真心觉得有型？我开始觉得同佢沟通唔到，佢觉得有型嘅嘢我一啲都唔觉得。”