76岁秦煌跌倒留院　子女已前往探病：梗系开心啦，倾吓屋企嘢咁

76岁秦煌日前（20/03）传出在独居酒店房跌倒，不能自己站起，多次向林伟求救后，终于在酒店帮助下送到医院治理。当日林伟接受《香港01》访问时表示秦煌今日下午被送到医院：“我就5点几去医院睇佢，带咗少少日用品畀佢，咁依家医生帮佢检查紧，佢只脚好肿啊，同埋脚趾啲肉有啲烂啦。总之脚一定唔系咁好，同埋身好重啰，人都系清醒同精神嘅。喺医院就惊啲，有啲口震震，有啲心急啦。”

今日（21/03）《香港01》致电秦煌叔，电话另一头的他显然已回复精神。记者问及身体状况时，他回答：“OK呀！系手脚唔系几好，好彩系医生有讲内部所有嘢都OK。”他表示，虽然手脚健康麻麻，但庆幸的是身体内部健康。问到何时会出院时，他就回答：“冇得预计几时出院，佢（医生）话出得就可以出院，而家都行唔到，要擦药膏。”

秦煌叔送院时着林伟代为联络仔女，而今日仔女原来已前往探望。秦煌叔说：“有呀，不过佢哋要返工。”问到心情如何时，他语气轻松愉快，说：“梗系开心啦，今日开始都会嚟。”问到秦煌叔会与仔女闲谈什么，他也回答：“倾吓屋企嘢咁。”最后问到仔女会否同住，秦煌叔则回答：“佢哋都有屋企。”但总括来说，秦煌叔还是健康而且开心的。