香港大专联校搞麻雀大赛　谢安琪都畀Like

麻雀系中国伟大嘅国粹，里面蕴藏博大精深嘅智慧，喺香港麻雀经常被大家直接联想成赌博，归类为唔好嘅习惯。以前读书唔好讲话打麻雀，就连玩啤牌都会畀老师闹，甚至系记缺点，上年香港中文大学就突破性搞咗个“麻雀研究学会”，开班教各位大学生打麻雀，又会钻研各地嘅牌规，当然就唔会涉及赌钱啦。点解会有呢个谂法呢？事源就有同学喺“中大Secrets”嘅Facebook上面提议既然大家咁钟意打麻雀，点解唔整个学会系研究打麻雀呢，真系冇嘢系冇可能，麻雀学会就咁诞生咗。

近日仲发大嚟搞，整咗叫“香港大专联校麻雀大赛”，邀请八大同埋其他大专院校嘅学生参加，预计喺8月举行。今次绝对唔系得个讲字，比赛已经Ready喺下个礼拜公开畀大家报名，引得唔少同学都Tag埋身边嘅雀圣雀后一齐参加，就连歌手谢安琪都畀个Like啊！读香港大学嘅阿Kay之前接受访问就话自己唔识打牌，成日都唔知几时食糊，仲自嘲系“鱼腩部队”，唔知大专院校嘅同学仔会唔会邀请阿Kay呢个校友嚟戥脚呢？

个Page仲有教你麻雀小贴士，都几搞笑：