【Ben Sir开Show】广东粗口谐音搞gag　“污肛自吻”系环保人士

欧阳伟豪（Ben Sir）于Star Hall举行“Ben Sir开Show”，除了有广东话讲唔正的季苹苹做班长，麦美欣都有登场，仲同Ben Sir研究网民网名点反映出佢做边行，好似“套里囊”咁，Ben Sir就话人哋系做药剂师，“伤茎娱宾”有个茎字就系生物学家，“污肛自吻”会自己解决咁有手尾，大概是个环保人士，最后一个“蒸翼”就...Ben Sir话自己都有蒸开㖞。到陆浩明(6号)出场时，Ben Sir竟然叫错6号做陆永，好彩兜得返：“紧系6号啦，我特登搞错搞Gag咋。”两人即场研究博大精深嘅广东话入面，到底“静静鸡静啲，定静鸡鸡静啲”，“啲啲少啲，定啲dur少啲”，“肥嘟嘟肥啲，定肥腾腾肥啲”等高深问题。
 

Ben Sir和6号讨论的当然唔会漏咗粗口中的“五大将军”，两人仲创作咗办公室版的《难为正邪定分界》，香港的打工佢怨气咁重，带几个将军返工在所难免，加几个助语词，成首歌即刻有气势好多。

下一位登场的学生是林颕彤(Bella)，女仔人家大胆向Ben Sir请教风月电影，Ben Sir笑言拍节目时有好多货：“但畀大台ban晒，好在开骚先出得返。”Ben Sir教路一个字就可以令正经戏名变风月戏名，譬如《爱．回家之开心女速递》，《食女平D》，《三少女．爷的剑》。

Ben Sir到尾段话今晚要帮自己囝囝办个丧事，原来囝囝是指之前出的书《粗口学堂》被包胶。他坦言书籍不通过审批有三个原因：“50页多过30页讲粗口，冇学术价值，同令人联想粗口。咁我本书讲粗口㗎嘛，得3页讲粗口会违反商品说明条例，第二我本图画书唔通都要学术？最后一点联想系脑袋嘅事，咁唔通人哋脑袋我都要管埋？啫系地底都要管埋?”

Ben Sir直言后来在书局揾到两本讲英文粗口的书：“佢哋冇包胶，代表佢有学术价值，我买畀我个仔，希望佢来世做本Abc(Anything But Cantonese)书。”完骚访问时，Ben Sir表示整个骚都好满意，意想不到观众投入得好快，讲到尾声时在台上揾老婆的踪影，他表示：“老婆将自己嘅靓位飞让咗畀人，所以唔知佢坐边。”问到是否好介意新书要包胶，所以一而再再而三提起？他直言：“唔系，又唔系完全唔畀人睇，系想解释返啫。”