Ben Sir开骚讲不文烂Gag　玩直播问答谷Big Big Channel

欧阳伟豪（Ben Sir）于Star Hall举行“Ben Sir开Show”，为了力谷Tvb新App Big Big Channel，据知今次开骚期间会有用App直播的问答部分，现场为了提高大家参与度，连Wifi都准备好，等大家随时下载个App。

开场时Ben Sir破天荒在后面出场，由尾行到台上，再唱一首《浪子心声》，Ben Sir笑言自己的节目出街后，大家对拍掌多了新的定义，更即场同大家为拍掌重新定义：“一下掌声系我Dee，二下掌声系好伦柒，五下掌声系抵你老母威。”

Ben Sir又即场分享骚名的来头：“我中文老师开骚个骚得一个中文字，大家见到咩字啊?我第一下就见到门，咁门入面加咩，加口字，系个问字，或者加单字，够独立单一嘅单，即系阐字，都系唔好，不如加方向，东南西北入面最开心个开字啦。”

Ben Sir笑言自己咁寸都系为观众好：“所有嘢加咗为你就好唔同，好似依家选美成日话有啲咁嘅样嘅人出嚟选，其实都系为咗你，冇我依啲咁嘅样嘅人，点显得你照镜时增强自信心。”

抽完Tvb水就抽政府水，问问现场有冇小朋友，今晚讲的内容有机会不适合小朋友听，因为之前出书已经有本要包书(18禁书籍要入胶袋)，笑言唔知现场会唔会有政府部门的Hidden agenda ：“我点知政府部门会唔会派人落嚟假扮观众装我㗎?”