钟镇涛拍《繁花》被误认系真厨师　自爆唔使试镜：拍咁耐戏未试过

由上海市文旅局和Branding shanghai 举办的“幻彩咏香江-上海之夜”昨（13日）在香港举行，邀请了钟镇涛、Angelababy （杨颖）等红星出席，大家乘坐天星小轮共游香江景色。

而在接受访问时，提到钟镇涛有份出演的剧集《繁花》红遍大江南北，问到与王家卫导演合作有何感受时，他就表示：“成个过程好开心，朋友好多年成日都有参加一啲聚会，以前都有喺幕后音乐上合作。今次第一次拍佢嘅戏，𠮶个感觉好得意。拍嘅时候好认真，系一个好好嘅经验，佢唔系话要求你要做完嚟又嚟，唔系传说中咁样。”续言客串厨师一角，只用了几日时间就结束拍摄。

众所周知《繁花》中有许多演员是通过多次试镜才争取到演出机会，他就扬言自己是不需要试镜：“唔使试，我咁大个仔都未试过镜，拍咁耐戏都未试过。”又扬言找他出演厨师一角是延续：“原来导演已经有安排咗，佢将我以前拍𠮶个《金玉满堂》，（演厨师）𠮶个角色嘅延续，我演完都未曾知，但原来系咁样嘅安排。”

另外，问到有没有为角色事前做一些准备功夫时，他就二话不说：“冇㖞，冇得准备。”而因为《繁花》爆红，令到不少厨师以为钟镇涛真的是一名厨师，令他哭笑不得。