王梓轩首次担任监制唔敢投资　被问参演可能性︰几尴尬嘅问题

王梓轩与内地曾梦雪、泰国演员Ananda Everingham、Margie Rasri Balenciaga、Mint Chalida Vijitvongthong、Mookda Narinrak等艺人出席香港影视展活动宣传新作品，而王梓轩于发布会后与石祐珊受访。王梓轩表示很兴奋能够担任主持人：“原本我系以监制身份出席，不过大会睇过我之前喺新加坡ATF介绍《网内人：复仇代币》嘅演说，觉得我可以胜任埋主持，可以用呢个身份参与Filmart，对我嚟讲好新鲜。”

被问到首次担任监制是否有很大压力，他表示：“其实好似某个程度锻炼自己百变咁样，喺疫情期间，同石祐珊已经开始制作几个唔同嘅电影项目。”他继续指难度最高是因为改编小说，《网内人》本身都系好曲折离奇，如果剧里面剩系得八集点样去浓缩，我哋要转成自己嘅视觉。”讲到会否希望自己参与演绎一个角色，他说：“其实都系一个几尴尬嘅问题，因为我哋咁辛苦请咗一个咁好嘅团队，我哋就要相信佢嘅专业，万一我话想试镜，得唔到个角色，系嬲佢定开心好呢！”

提到这次拍摄项目是否也有份投资，他马上否认没有，并表示：“未有呢个能力，呢个制作太大啦！拍个MV我都可以投资，希望呢个做完之后我哋会有更多工作嘅项目可以做。”讲到新作品会否请薛家燕演出，石祐珊则代表回答：“呢个剧比较严肃啲，留返家燕姐比较轻喜剧，呢个比较沉重。”王梓轩接着回答：“佢应该钟意睇呢啲剧，但系佢少演。呢个剧好似好沉重咁样，又悬疑又大阴谋，会加返少少动作同喜剧嘅元素，即系唔会话全程喺度讲笑，如果系呢出戏需要啲演员带啲喜感其实都适合！”