亚洲杯直击︱队长叶鸿辉被球迷感动落泪　赞港足坚持风格不惧强队

香港足球代表队在昨（23日）晚亚洲杯C组最后一轮分组赛，以0：3不敌巴勒斯坦，3战全败榜尾出局，未能争取到成为其中一支最佳第三名出线。
队长叶鸿辉赛后向远赴卡塔尔的球迷致谢时，也不禁流下英雄泪，他表示被香港球迷所感动。叶鸿辉认为港足已经告诉全世界，就算是实力及排名高的球队，也不容易赢到港足。他希望港足可以成为亚洲杯决赛周常客，透过多与高水平球队交手，拉近实力差距。
01体育记者　袁志浩﹑高诗琦　多哈直击

落败后，港足球员走向香港球迷区，多谢他们来卡塔尔支持。队长叶鸿辉安慰过茹子楠后，他也不禁在球迷前流泪。33岁的叶鸿辉解释，他被港足球迷所感动，“咁多作客球迷嚟到卡塔尔，佢哋嘅打气声同组织真系好强劲。”

香港球迷声势更胜巴勒斯坦

他续说：“今日（23日）大部分现场都系巴勒斯坦嘅球迷，但（香港球迷）几百人嘅声势已经好过佢哋，尤其是最后一场，我哋未能完成大家同埋我哋自己嘅心愿晋级，但见到球迷好落力，完咗场都好落力帮我哋打气，所以都有啲感动。”

港足在亚洲杯一改多年对强队稳守突击的风格，就算面对阿联酋及伊朗，全队也敢于上前逼抢，放胆进攻，踢出斗志。首两场尽管不敌阿联酋1：3及伊朗0：1，但港足的表现都赢得掌声，到最后一场背水一战，以0：3败于巴勒斯坦，三战全败，未能再进一步。

叶鸿辉说：“今次赛事我哋的确踢到自己……或者教练想我哋嘅踢法出嚟。成个亚洲杯决赛周入面，冇一队实力系差，但我哋都坚持打法，头两场的确表现得好好，令到对手都有啲混乱。”

“嚟到第三场，部分可能系体力问题，同埋巴勒斯坦嘅欲望都好强，佢哋都好直接，落到场嘅斗心都好强，所以第三场喺各种原因之下……但去到尾，我哋都仲系踢紧我哋想踢嘅嘢出嚟。”叶鸿辉今场缺阵，由谢家荣把守港足最后一关。

希望港足以后成为亚洲杯常客

虽然全败出局，但叶鸿辉认为港足再非强队眼中的鱼腩，他说：“话到畀其他人知，就算系实力高过我哋、排名高过我哋好多嘅对手，都唔系咁易赢到我哋，呢样系我哋想做到。一开始我哋都知自己能力去到边度，嚟到亚洲杯、阔别咗五十几年再参加呢个比赛，其实我哋系当一个学习。”在今届亚洲杯决赛周，港足是24支球队中世界排名最低的一队，现排150位，而巴勒斯坦则排99位。

对于港足时隔56年重返亚洲杯舞台，叶鸿辉说：“之前亚洲杯好似唔关我哋香港人事，但今次完全感觉到成个香港都好投入呢件事。”他希望港足之后经常入到亚洲杯决赛周，透过多与高水平对手交手，去逐步拉近实力差距。“（想唔想再参加亚洲杯？）梗系想啦，呢啲比赛想参加无限次。”

叶鸿辉点名称赞陈俊乐、胡晋铭、周缘德3位队友踢得好，“喺呢啲大舞台都踢出咁嘅能力，相信佢哋去返平时嘅国际赛都可以有一个更好嘅表现”。