大屿山行山｜长途挑战行观音山羗山　俯瞰石壁水塘打卡无边际海景

今次行嘅路线，本来系凤凰径第五第六段，大约10公里左右，但中途改边行程，最后行咗18公里！

我哋先坐新大屿山11号巴士到深屈道落车，落车后反方向沿斜路上1分钟左右就见到凤凰径入口。

沿石级上约半个钟左右就会见到转上观音山嘅小分叉路。上观音山条路只系100米左右， 亦唔难行。喺观音山顶可以饱览石壁水塘嘅靓景， 所以系值得花少少时间上去。

▼按图看清路线及沿途风景，上观音山、羗山，再到灵会山👇👇👇

离开灵会山大约行十分钟左右，会到呢个分叉路口，左边啡色指示牌写狗岭涌方向，就系我哋即将要行嘅大磡森方向，而右边就系向万丈布方向行。

由大磡森大约慢行35分钟左右就会到达深坑沥嘅山腰。 上深坑沥标高柱系要行一段好斜嘅路，再加上满布浮沙碎石，唔太易行，最大问题系上到山顶景色欠奉，所以完全唔值得花时间上去。

▼按图看清路线及沿途风景，行至大磡森、深坑沥，向石壁水塘离开👇👇👇

每个人体质不同，行山要因应自己的能力而行，量力而为。以上纯粹个人感受及分享。

行程：西大屿山 – 观音山、姜山头、羗山、灵会山、大磡森、深坑沥、分流顶
全程：约18公里
时间：7小时30分钟

🏃🏽‍♂01体育行山专页：靓景推介 装备介绍 人物访谈🏃🏾‍♀

🏃🏽‍♂行山前先睇路线片：咖喱山行山攻略🏃🏾‍♀

🏃🏽‍♂立即订阅01体育Youtube频道，了解更多行山及体坛资讯🏃🏾‍♀

【本文获“Mi米游记”授权转载。】