【体育．生活．杰志波叔 1】装备大总管　25载的快乐手记

“习惯……习惯就喺杰志𠮶到。”

走入石门的赛马会杰志中心，阵阵摇滚歌声就从更衣室传出。 以为练习前球员在消遣，赶快绕过小巷，眼前只有一名老翁蹲下，在One Republic的《Counting Star》旋律中，一边折球衣一边托托眼镜。“兴趣，跟住习惯，日日都差唔多依个方程式啦”，同一工种，同一运动，一做就近25年。杂工微不足道？“无咗我，佢地边得掂”，说起来锵铿有力，他就是波叔，李永波。

快译通、花花、杰志　25年为球员付出

当初为何做工种？“有时都好偶然嘅，91年时，旧时无咩做嘢，旧时年代无咩做嘢，跟着识咗个快译通秘书，跟住就入咗去做，就开始喇。快译通就做咗10年，之后做咗2年花花，再之后杰志升班就做到宜家，做咗13年。”“快译通老板唔做啦，之后2年花花”，波叔重复两次。

那波记在杰志的生活，究竟是怎样？“9点半至10点就会返到黎，跟住呢，将啲衫分配俾啲球员，姐（即）系每一个位摆番晒。我知道佢地啲number几多号摆番系个位到。咁跟住衫呀裤袜呀毛巾呀，如果天冷，就有𠮶啲卫衣呀咁摆番好晒到呀。跟住出黎就睇下啲波够唔够气呀，bump好晒就搞下啲水呀，搞好水就预备啲飞碟呀，雪糕桶呀俾个教练，咁呢就睇个教练分配，咁样。”

一个兴趣，跟住一个习惯，日日都差唔多依个方程式。姐（即）系我投入左依啲就好钟意依份工作啦。

明日复明日的方程式

折衫、派衫、足球打气、收衫、洗衫…… 明日复明日，看看手表，原来己过了近25载。闷？不闷，因兴趣成职业，工作时感到享受，抓紧快乐的习惯从来都是美好。

“一个兴趣，跟住一个习惯，日日都差唔多依个方程式，除左比赛之外，练波都系差唔多嫁喇，系咁样。唔闷㖞，我觉得好有兴趣，我真系好钟意足球啲野，就成日睇下波咁样啰。我对依啲都唔闷嘅”，纵使波记突然一头雾水，“姐系个啲我都唔知点讲”，他俏皮地踢踢地上的足球，“姐系我投入左依啲就好钟意依份工作啦。”
 

不论外援呀、本地、中国人，同我都好融洽，姐（即）系无咩拗撬啰。我对佢哋就好好，佢哋要咩就俾咩，个个都锡。

人人爱护有加　“习惯咪杰志个啲野啰”

“波记就是杰志命脉”，球员卢均宜并非说笑，就连经常被波记直呼“You，Number 9”的巴伦古素亦指该“潮爷爷”是队中老大，人人对他爱护有加。“好好啰，同个个都好好，不论外援呀、本地、中国人，同我都好融洽，姐（即）系无咩拗撬啰。我对佢哋就好好，佢哋咩就俾咩，个个都锡。啱倾就系华人啱倾啲，有时外援一练完波就走，华人𠮶啲撞到就会倾多两句啰。”

佐迪？“18号！”10号呢？“10号仔咪嘉纬啰。”均宜的儿子可爱吗？“系女！我睇住均宜大，佢07年入嚟呀”，单挑完全失败。 加点难度， “什么是习惯呀波记？”这个精灵老大说：“习惯呀……姐（即）系我嚟到球场都系好开心咁样，哈哈，姐（即）系习惯就系咁做嘢嫁啦”，想一想，“习惯咪杰志𠮶啲嘢啰。”

纵横球坛多年，并亲历“蓝鸟”于本港赛中13次捧杯，波记说起来一脸威风。不过，问到哪一仗最为深刻，他理直气壮地说：“旧时𠮶啲唔记得喇。”然后又急着补充：“上年对东方，就好经典嫁喇。姐（即）系呢，我哋十几分钟就有个球员无啦啦俾人罚出场，跟住呢个镜头就影到对方领队就骑骑骑就系到笑。咁跟住呢打到尾，4：0 无啦啦吓，我都唔知我哋咁犀利。打到4：0，当时个镜头又影住对方领队，块面当堂黑晒，𠮶时一打完我好激动。”美好的，总会记得。

姐系年纪都差唔多70，系咪呀？都预咗我唔做得，唔做得，或者老板唔请我，咁我咪走去睇下波啰。

人生已走逾一半，会怕失去吗？“无咩所谓，我都预咗嫁嘛。姐（即）系年纪都差唔多70，系咪呀？都预咗我唔做得，唔做得，或者老板唔请我，咁我咪走去睇下波啰。姐（即）系我系预咗咁嘅心理嫁嘛，唔会突然间无左呢好似好伤感嫁嘛，我唔会谂依啲嘢。我个人就系，姐（即）系好乐观嘅”。波记再重复，“我预都咗呀”，大概，这是从心之年的一种气派。