丁利华行西贡人间蒸发 KK山岭搜索生涯唯一悬案｜毅行者先生专访
丁利华行山失踪事件，一直是香港行山界的悬案。
3届毅行者冠军陈国强（KK）曾经驻守西贡消防局，擅长山野搜救，十分熟悉西贡郊野环境。KK忆述15年多前，上司急召他取消休假，带一队人搜索休班警员丁利华。这是KK消防生涯之中，唯一一宗无法找到失踪者的山野搜救个案，他说：“以我嘅经验，一定系唔使做，不过我哋一定要做。”
上一篇：接触跑山为做好份工 最怕晒黑但投身消防｜毅行者先生陈国强专访
2005年9月11日，反黑组休班探员丁利华到西贡行山，期间迷路报警，之后警方、消防、民安队等多个政府部门加上民间团体，大规摸搜索西贡一带的郊野无果，丁利华至今仍然失踪，如同人间蒸发。在网上广传的丁利华报警对话中，他表示由北潭涌出发行了两个多小时，声称正在行麦理浩径，位于西贡东，他还讲了多组来历不明的数字。
KK在90年代中被调到西贡消防局，十分了解西贡的郊野环境，山野拯救经验非常丰富。他之后驻守沙田及马鞍山等地，亦常常参与山岭搜索。当记者问起丁利华失踪事件，KK说：“呢一单，我梗系有份！”
“我当时本身系休假，但东区高级指挥官叫我取消休假，返嚟主管架细抢去做搜索。呢单其实喺我放假前已经揾咗两日。我认知之中，呢单系香港开埠以来用最多人力物力去做嘅失踪个案，但我知道一定冇得揾！以我高山拯救搜索做到得心应手，出晒名，我觉得呢单嘢冇得揾。”KK肯定地说。
KK看过电话网络供应商提供的纪录，知道丁利华报警时的位置范围，亦了解到警方、消防、飞行服务队搜索过的地方，凭他在西贡搜救多年的经验，认为这宗是“无头公案”。
“𠮶时架MCU（流动指挥车）摆咗喺北潭涌，叫我上去。我上到去好寸，照经验咁讲，话畀佢哋知。以我嘅经验，一定系唔使做，不过我哋一定要做。唔使做嘅意思系，一定冇结果，但一定要做，我同你啃最难𠮶条线。”KK那时已经向上司“写包单”，一定找不到，但他依然带了一队人，经一条冷门路线上大枕盖，再去大蚊山搜索，最后落大浪坳。
KK坦言一行那条路，都知不会找到，“其实我一上座山，就知有冇人行过。如果有人行过，啲草会断，会顺边个方向去断；睇下地下有冇泥印，新鲜唔新鲜；有冇蜘蛛网断过，系新断定旧断……根本我都知道晒，我玩山玩到咁系咪好黐线？”
🏃🏽♂01体育行山专页：靓景推介 装备介绍 人物访谈🏃🏾♀
🏃🏽♂行山前先睇路线片：咖喱山行山攻略🏃🏾♀
🏃🏽♂立即订阅01体育Youtube频道，了解更多行山及体坛资讯🏃🏾♀
KK由丁利华的衣著开始分析，他说：“佢著对皮鞋或者波鞋，恤衫西裤，你会唔会去爆林？一定唔会去爆林，同埋你拎住相机影相，影相就一定行大路。两个几钟头，以一个普通人，你觉得可唔可以由北潭涌起步，去到东坝，上埋西湾山顶，出到长咀？冇可能！”
“西湾山、浪茄仔、睇鱼岩顶、燕子岩……𠮶时𠮶边嘅山系光头，树好矮，直升机都唔知search（搜索）过几多次。咁低飞都睇唔到？好多对眼㖞，冇可能啦，跟住佢仲系白色恤衫。如果山上面望落白色，系咪好易揾？系呃唔到！”
“你话会唔会咸田湾𠮶边，跌咗落石隙之间？消防喺陆地拖埋狗去搜，冇可能揾唔到！蚺蛇尖、长、短咀𠮶边，根本到家阵啲山都系光头，就算只系跌咗个手袋，直升机咁低飞，咩都睇晒啦！仲唔止直升机搜，人都会继续去行，几千人行，点会揾唔到！”
会不会丁利华那时已经死了？甚至被野狗吃掉？KK截然道：“冇可能！你知唔知一个人死咗嘅臭味，一阵风吹埋嚟，系臭到……你有冇闻过死老鼠味？系呕心！系好犀利！你话野狗会唔会走上去食？西贡好少野狗会走上山食，同埋食极都唔会食晒啲肉，一定有死尸臭味。我哋做高山拯救同巡山，试过有啲狗或者牛仔死咗，哗！臭到你，喺对面山头上，你都会闻到好臭。”
那么依KK之见，丁利华究竟发生什么事？去了什么地方？KK不愿意透露心里的猜测，但他说：“我做高山拯救咁多年，做到退休，未试过失手揾唔到。喺我当值期间，连一单好渺茫嘅都被我揾到出嚟。我又唔怕辛苦，我唔怕蚀底，点解会揾唔到？呢单系无头公案，卒之都证实咗啦，到今时今日都系冇，丁利华！”
丁利华会不会是KK消防生涯的一个遗憾？他答：“未试过揾唔到，剩系丁利华。呢单嘢，我唔觉得遗憾㖞！我觉得证明我（的猜测）系啱。”但KK始终不愿意公开他对这宗失踪个案的猜测。
丁利华失踪事件后，出现“西贡结界”的说法，更指西贡是“香港百慕达”，行山人士可能误闯结界而失踪。记者问KK信不信有西贡结界，他说：“潮流讲咩结界？我一定唔信！根本冇可能，𠮶啲人唔知走咗去边度玩就真。”
KK笑说：“唔信果啲嘢，我又唔会怕，行过坟场、棺材窿果啲，惊唔惊？我嚟做嘅事都系帮你，我又冇害人，如果个天咁都要收我皮，咁就由佢收我啰，反正迟早都要收一次。”
【同场加映！了解更多行山冷知识】
与其问人难度几多“星”，不如问以下问题更实际：
行山前先了解行山礼仪：
教你用“GPS远足留踪”服务：
建议放入背囊的行山装备：