黎志伟爬如心广场｜幕后绳索团队视角　人类与强风之惊险搏斗

黎志伟在1月16日攀登荃湾如心广场，但入夜后风势太强，绳索纠缠难解，无奈于75楼止步，最终徐徐下降回65楼，完结挑战。从直播片段观看，相信很多市民都感受到那种难度及惊险，而从幕后支援人员眼中，当时的情况更加紧张。
攀树导师吴志雄（Tony）当晚在65楼支援黎志伟，承认那时情况有危险，庆幸及时决定撤退，“志伟落到嚟之后冻到面色都变埋，手指都已经变色，我觉得佢呢个决定系正确。”

普通人隔住镜头看黎志伟爬如心广场，总有点距离感，但Tony与一班绳索支援团队就在半空最前线，与黎志伟一起面对强风，共同解决问题，亲身感受现场气氛的转变，由早上的轻松变成入黑后的紧张。

【挑战当日，黎志伟精彩图片】

黎志伟征程回顾：攀逾十小时　高空遇强风几近失控　手指也抽筋　新手套亦破掉

黎志伟完成活动后感言：75楼止步抱憾　“只剩一双手，都要实践梦想”

坐住轮椅的黎志伟在早上9时半出到大厦外，约10时15分开始攀爬。他的攀爬分为3段，首段由地面上31楼隔火层，之后由31楼上65楼隔火层，最后一段就攀上天台，3段共约300米高，每段都要换绳。

活动背后，Tony与绳索团队早一日安装好所有3套绳索系统，进行简单测试，到活动当日清晨集合，做好最后准备。

整支幕后绳索团队超过20人，Tony是其中一名主导人物，他一直与黎志伟透过对讲机及电话沟通。

Tony笑说：“我哋有叫佢唱歌，‘唱首歌嚟听下，休息下’，目的系想令佢轻松啲，观察佢嘅反应。如果佢识讲笑，咁就继续爬啦，但唔识讲笑的话，就要放返佢落嚟。”Tony认为黎志伟首段爬得很顺利，中午12时抵达31楼，完成全程三分之一。

【挑战当日，幕后绳索团队的努力】

不过，由31楼爬上65楼期间，风势逐渐加强，黎志伟遇到问题，几条绳索纠缠在一起。

Tony忆述当时情况困难但乐观，他说：“志伟状态好好，啲绳纠缠埋一齐，志伟嘅意志力就开始出嚟。玩绳索嘅人，遇到困难时，意志就嚟，志伟就更加强，佢从来唔觉得系咩事，佢系个专门解决问题嘅人。”

不负Tony的期望，黎志伟靠摆荡解绳，当他荡向玻璃的时候，借助大厦的窗口，转一转轮椅，化解困局。Tony大赞：“呢吓真系唔容易，所以爬完第2段，佢已经好攰。其实好考技术，同埋本身冇谂过咁做，但突然遇到困难，佢即时谂到咁解决。”

有惊无险，继续往上爬，当黎志伟到65楼时，已是下午5时半。Tony透露他们没有为挑战设时限，就算入夜，众人都没有想过中止挑战。Tony说：“团队都会担心，入黑后攀爬嘅环境完全唔同，影响视线。志伟话出去爬，我哋就帮佢布置好绳索。大家都冇谂过退出，一切睇志伟状态。佢有觉得累，手就起晒水泡，又有伤，但佢由头到尾都冇讲过放弃，希望爬到上顶。”

夜幕低垂，晚上6时半多，黎志伟再出到大厦外，往天台上攀。身在65楼隔火层的Tony开始觉得不对劲，他说：“感觉到风好劲同埋好冻，大家都知道，志伟喺出面面对嘅辛苦应该系我哋两倍、三倍，我哋心入面都好担心。”风愈来愈大，黎志伟被吹到转圈及荡来荡去，绳索的纠缠问题亦变得严重。

在白天，大家有讲有笑，感觉轻松，但到晚上，气氛变得凝重。Tony说：“感觉佢讲野认真咗，都知出面环境恶劣咗，好险峻。佢会突然话‘Tony，拉紧条绳’，我哋即刻跟住做。拉紧绳嘅时候，佢系爬唔到。风过咗后，我哋松绳，佢先可以继续爬。𠮶阵阵风相当强，不断重复拉紧、放松嘅过程去配合佢。”

被问到这种情况持续了多少时间，Tony说：“7点几8点，𠮶时真系好紧张，冇时间睇表。”

他表示开始担心黎志伟的安全，“𠮶阵脑海谂到咩？有啲新闻影片，清理大厦外墙嘅吊船，撞嚟撞去，可能会撞埋玻璃，志伟就好似呢种情况。后嚟我同志伟讲番，佢𠮶段时间有危险，但佢好想撑落去继续爬。”

“大家都未遇过呢个情况，喺大风下，3条绳纠缠，真系好难搞，唔好讲志伟，我哋个个都未见过呢个情况。大家都系见招拆招，第3段嘅问题系太大风，佢转咗几个圈，真系好难解开。”Tony说。

上到七十几楼，黎志伟在强风中挣扎1小时，向上寸步难移，他无法解开纠缠的绳索。Tony说：“我有问志伟，‘你谂谂好㖞’，我唔会畀意见叫佢放弃，我话‘志伟，咁大风，你谂下继续上定点好’，我哋继续倾偈。”最后，由黎志伟一槌定音，决定中止。

Tony续说：“佢就话‘OK啦，安排我哋嘅Plan B’。我哋有好多方案，谂唔到点解决的话，咁就要Plan B，唔再继续向上，返65楼啦。佢讲𠮶阵好平静，冇唔开心，佢讲嘢嘅语气一向唔会大起大落。”在天台准备好的救援队伍，派了两人下来，接应黎志伟，与他下降到65楼，约晚上8时45分，安全回到隔火层。

见到黎志伟放弃挑战回来，Tony说：“有啲矛盾，一直觉得如果佢爬到上去就好嘞，但见到佢返嚟，终于安全，又会好开心，两种心情都有。志伟落到嚟之后冻到面色都变埋，手指都已经变色，我觉得佢呢个决定系正确。”

那一刻，Tony任务完成，“志伟落到嚟，我冇同佢讲嘢，见到佢安全，我就好开心。”其他支援团队帮黎志伟添衣及盖上毛毯，为他按摩及送上热饮，之后黎志伟就上去见记者，而Tony就与团队收回绳索，他感叹：“我哋事后收绳，都发现3条绳真系难分难解！”

Tony与黎志伟在2014年认识，当时已经下身瘫痪的黎志伟想学攀树，两人研发出一套轮椅人士的攀树系统。在爬如心广场的挑战前一个月，Tony才收到黎志伟的邀请，之后他们绳索团队就在1个月内设计好整套攀爬系统。这套系统主要由3条绳组成，分别是攀爬绳、保护绳及固定轮椅的固定绳。

Tony表示这是他绳索生涯的难忘经验，但他笑言：“系宝贵经验嚟，但应该冇乜用，我估应该唔会再有人坐轮椅爬300米高嘅大厦。”他表示，黎志伟事后大赞他们所设的绳索系统，感谢绳索团队的义务帮助。

那么，Tony有没有安慰黎志伟，他答道：“我哋？呢啲嘢心照啦！”

【黎志伟一度哽咽，流下男儿泪】

▼▼黎志伟由天光爬到天黑，终于完成征程，值得支持▼▼