巴黎奥运｜邓俊文长文述与谢影雪三年辛酸：庆幸佢每一次都冇放弃

羽毛球港队混双组合邓俊文/谢影雪，早前于巴黎奥运八强不敌韩国世界冠军组合徐承宰／蔡侑玎，告别今届奥运。
两人赛后受访时哭成泪人，表示虽无缘奖牌，但已尽最大努力，特别谢影雪近期一直饱受伤病困扰，能够完成奥运已十分感恩。
邓俊文周四（1日）在社交媒体写下长文，回忆今次的巴黎入场券得来不易，亦感谢拍档谢影雪一起“可以对得住自己咁完成我哋最后一次嘅奥运”。

“邓谢配”在上届东京奥运铜牌战落败，今次远赴巴黎谱写这个组合最终一章。“今次巴黎奥运对我嚟讲，虽然最后未能够做到我哋嘅终极目标，但系已经唔系最重要啦。回想返3年前东奥之后，我哋已经有想放弃、唔再以‘邓谢配’上比赛场嘅念头，一开始系因为我哋教练们畀左好大嘅信心，我哋觉得我哋仲可以重返高水平而个舞台，我哋先会一直夹到而家”。

东京奥运因疫情延期，因此两届奥运之间只相隔3年，邓俊文指：“对好多人嚟讲，3年可能眨吓眼就过去，但系对我嚟讲，依3年发生嘅事真系太多太多。无论屋企或者球场上，都遇上我没法面对嘅事情。”

这个奥运积分周期，“邓谢配”一度战绩不佳，“我相信有留意开我哋比赛嘅人，都知我哋最低潮嘅时候真系差到好似唔识打波咁，好多人问对巴黎奥运有冇咩目标，𠮶阵对我嚟讲‘奥运’依两个（字）愈来愈远，（我哋）根本配唔上。𠮶种挫败感只有我哋先会明白，要重新开始真系唔系一个容易嘅事”。

他感谢好拍档谢影雪，并称她为“铁人”：“依3年时间，虽然好多时受伤嘅都唔系我，但系每一次我喺佢旁边睇住几辛苦做恢复治疗，庆幸佢每一次都冇放弃，依然做好我哋嘅本份，保持我哋嘅初心，要做到依两样野真系唔容易！”

“夹左咁多年条路真系一啲都唔好行，好多人可能遇到一次挫败已经会放弃，你仲要唔只一次，好感恩我哋最后算系可以对得住我哋自己，可以美好咁完成我哋最后一次嘅奥运。”