软硬爆拉姑狂催谢霆锋开骚　王双骏都帮手催：希望佢暂时放低镬铲

由【电笠】主办、殿堂级音乐制作人王双骏（Carl叔叔）首个音乐会《王双骏HATS ON 音乐会 While the Music Lasts》昨晚（9日）在香港会议展览中心Hall 5BC隆重举行，中段有一组事前未有在演出单位公布的神秘嘉宾登场，就是林海峰（Jan）、葛民辉（阿葛）的“软硬”，二人更模仿王双骏，以戴帽、长发和戴太阳眼镜的造型现身，令观众喜出望外！

他们唱了《Gala Gala Happy》将气氛推高，然后就来最拿手的栋笃笑，软硬说：“我哋嚟紧会戴多啲帽畀大家睇，戴晒全屋啲帽！”二人指自己就是王双骏、Double Carl Music Group，真身就笑说：“我翻版嚟㗎啫。”三位王双骏同台合照的画面甚为搞笑，Jan说：“畀啲掌声王双骏、王双骏同埋王双骏！”更模仿Carl叔叔咳声，令对方说：“要好熟我嘅人先知我会咳㗎。”

之后阿Jan问：“你会点形容J字头呢两位歌手（Jer、Jeremy）？”答：“好简单四个字，监制恩物！”再问：“咁你点形容软硬？”再答：“都系四个字，监制恶梦！”其后，软硬叫大家畀掌声吴林峰、谢霆锋，但就谓：“但系我最欣赏嘅系林海峰。”

两人一唱一和代王双骏介绍乐手和歌手，Jan与阿葛互相叫对方Carl，又不断说“拉姑（狄波拉）同我讲……”阿葛说：“喺呢度我最感动系头先阿仔，我不得不提，我做呢个演唱会好耐冇见阿仔，由细睇到佢大，拉姑成日同我讲，得闲要谂返阿仔，多啲同佢做演唱会。”二人扮演Carl叔叔说：“拉姑同我讲，我今年真系做演唱会，我打畀谢霆锋，佢听到二话不说，话马上返嚟，亲自同英皇讲。我谂住叫霆锋嚟炒几碟，点知佢嚟唱咗成part歌，Sorry拉姑，我对你唔住。”

完骚后，Carl叔叔受访时都有讲到这几组嘉宾，透露霆锋二话不说就应承，问都冇问任何详情就说OK，谓：“我同公司搞得㗎喇。”讲到霆锋表演时很多观众大叫“开演唱会！”，叫Carl叔叔帮手催下对方，他笑言：“你估我冇催咩？”提到软硬爆料指连拉姑都叫Carl叫霆锋开演唱会，他表示：“好多年前拉姑已经讲，见亲面就讲，话你快啲叫佢开演唱会啦，我都想呀，𠮶个你个仔嚟㗎㖞，所以希望佢今次挞返著，暂时摆低个镬铲先。（今年得唔得呀？）唔系我话事，如果我话事听日添，我Ready㗎喇，但呢个都好讲佢自己谂法，始终佢而家有好多嘢喺身，幕前幕后，都唔系好似以前咁话开就开，好似小朋友𠮶时咁任性。（佢意思系点？）我梗系冇问啦，我谂唔止我，佢行出街都不断听到呢啲说话。（你问Powerful啲嘛）点够拉姑Powerful呀！”当记者叫主办帮帮手，身旁的【电笠】总监阿昱都和应：“我都想！”

至于两位MIRROR成员柳应廷（Jer）、李骏杰（Jeremy）一唱完就要赶去机场，出发前往英国，Carl叔叔感谢他们的诚意，又说Jer坚持唱完《乐坛已死》才走，令他非常感动。