王双骏与主办还原意外经过　交代乐手伤势：从5呎台堕下清醒送院

王双骏（Carl叔叔）首个音乐会《王双骏HATS ON 音乐会 While the Music Lasts》昨晚（9日）在香港会议展览中心Hall 5BC隆重举行，演出期间发生舞台意外，乐手叉错脚堕台，要送院治理，演出一度中断近25分钟。音乐会结束后，王双骏连同【电笠】总监阿昱受访，并交代事件。

王双骏还原意外发生经过说：“其实都系个台黑，佢哋一唔为意就踏空咗，好彩我哋个升降台就唔系好高，呢个系不幸中之大幸，希望只系擦损吓，都要等佢去医院检查咗之后先知系点。”他透露升降台约5呎高，受伤的Paul是负责吹小号的澳大利亚乐手，二人合作超过10年。王双骏指，暂时知道对方擦伤大腿，有甩皮，但冇撞伤头，送院前都清醒及有讲有笑，希望只是皮外伤，详细情况都要等对方去医院做检查后才清楚，而王双骏亦会赶去医院探望对方。

王双骏坦言事发一刻好惊，因不知情况是否严重，后来见对方识讲笑才稍为放心。被问可有想过中止音乐会，他承认有一刻闪过这个念头，“当时我唔系好sure阿Paul系咩情况，但系佢跌完，我哋同佢倾返偈、讲笑，见到佢都清醒，我哋就放心啲。佢都叫我哋继续，咁我哋就OK。”

当讲到有否与下位登场的嘉宾陈奕迅商量演出是否应该继续，他续说：“有嘅，我哋喺台底一路都陪住阿Paul，一路睇住佢，到睇住佢上咗救护车我哋先至纾一口气，深呼吸，继续啦。始终出面有好多观众一场嚟到，我觉得我哋嘅责任都要将个表演做埋落去，呢个系专业呀嘛，无论点都好，我哋做到嘅一定会做。”他指Paul都强调“The show must go on”，自己心情虽然有受影响，但相信台前幕后每一位表演者，都想将辛苦排练的成果呈现给观众。

讲到舞台安全问题，王双骏表示：“安全，因为而家喺香港做一个表演，我哋舞台同埋各样嘢，无论天花上面啲灯或者喇叭，所有嘢都要经过政府好严谨嘅审查先会批。我哋都改咗好多次，尽量想所有嘢都系安全之中嘅安全，当然啱啱发生咗呢件事系有啲唔开心，始终都系意外，有时避免唔到，好希望阿Paul可以快啲好返。（之前有冇踩台？）有，一定有彩排，冇彩排我哋唔会开Show，全部都排过晒，唔排过系开唔到Show。”

而主办单位【电笠】总监阿昱就对记者说：“我谂我哋大家都唔开心，都知好多唔同观众或者传媒朋友过到嚟都系想睇一个好嘅Show，台上嘅乐手都系为咗个Show付出咗好多，我相信佢哋嚟到呢度，发生咗呢个意外，每个人包括我在内都好唔开心。好彩有买咗保险，亦都有同事即刻送佢去医院密切留意个情况。以我而家所知，Touch wood都唔系好严重嘅伤，我哋都会继续跟进。阿Paul佢特登过嚟，我哋有责任令佢平安返屋企，所以呢段时间都会密切留意住。”