何超仪爆老公陈子聪状态大勇准备好上台　吴彦祖惊喜现身撑场

《The Wild Ones Music Festival》第一场已于昨晚（2日）顺利完成，演出单位包括何超仪、Alan Po 布志纶 、 NoWhere Boys 、Dear Jane 、 LMF等等，超仪除了跟乐队The UniBoys表演外，更邀请刘以达齐齐Jam歌，临近尾声亦与LMF同台演出，搞到全场数千“Band友”热血沸腾。超仪负伤上阵，笑言与陈子聪歌路不同，故未有同台演出：“我试过同佢唱过嘢，不过点解合作唔到，因为唔啱歌路。呢晚好多工作人员，佢都唔敢上台阻住大家嘅，但到听晚就揾张棉胎冚住佢。依家我脚伤系我衰啦，要达哥代我行近台边见吓观众。”

超仪与陈子聪都有伤病在身，笑言在家中“互照”对方：“依家行唔到咪叫佢帮我斟杯水，其实我地好怪，佢怕热我就怕冻，呢啲天气佢仲话想开冷气，我就偷偷开个暖气，搞到佢瞓瞓吓成头汗。”同场嘅Band坛老大刘以达大赞够晒气氛，盼Round 2再玩过：“系唔够喉，听晚我嚟撑场咋，唔好霸住个舞台，下次揾多啲Band嚟玩，都有好多未邀请。”

而Dear Jane主音Tim自爆受伤，将接受手术治疗：“因为照完X光话一定要做手术，工作有少少阻碍啦，但经理人帮我安排高椅坐定定，希望快啲好翻可以喺台行吓，计划2025年出道20周年开个大Party。”