麦浚龙演唱会｜落泪致敬已故LMF结他手大飞　Juno:个骚最早系请佢

麦浚龙（Juno）的《金榜题名project_mayhem • an urban fantasy by juno mak》演唱会昨晚（22日）在亚洲博览馆举行，演唱会最尾部分，他向已故的LMF结他手陈匡荣（大飞）致敬，在短片中说出：“大飞，埋位喇，到你喇。”之后就响起大飞创作的《爱是……》，由Juno与24味、PetPetShawn、Novel Fergus合唱。

当唱到演唱会最尾一首歌《我们的末日》，这是大飞为Juno作的歌，他点起一支烟向大飞致敬，唱到半路忍不住落泪，非常感触。完骚后Juno接受访问时，透露原来大飞是筹备今次演出时，第一个邀请的单位，他说：“上年知道呢个Show嘅时候，我第一个邀请嘅就系大飞，佢好快就走咗。我好想喺呢个Show度向佢致敬，最尾𠮶首歌《我们的末日》，系我彩排嘅时候，系我最想避开嘅一首歌，因为每一次唱都会谂起我哋合作嘅时候，我哋之间嘅沟通。”

讲到他很少会如此感触，当众落泪，被问是否演唱时回忆起昔日的相处点滴，Juno说：“我哋合作对外嘅歌虽然唔系好多，大部份都系快歌，《我们的末日》其实系我哋唯一一首合作嘅慢歌，当其时呢首歌冇Plug到，但系我觉得个内容，拣呢首歌佢写畀我到周耀辉填完词之后……其实我固然好钟意呢首歌，但系好矛盾，我又唔系好够胆成日听，因为每次听都会好多画面。”也正因如此，他构思歌单时其实最想避开这首歌。

今次演唱会邀得古天乐、梁家辉、张家辉、林家栋、吴君如声演，Juno都有邀请他们来睇骚，部分人都有到场，他说：“能够将以往嘅一啲角色再度出现，电影角色原本套戏完咗就完咗，但系能够重新又出现返，好多谢佢哋，因为每一个角色嘅对白都系我写，同佢哋倾，再去录音同混音。今次个Show主办话Overrun，但大家嘅参与好踊跃，所以就出咗呢个组合嘅声演单位。”至于女朋友有冇到场，Juno就话有，之前情人节他忙于彩排未能与女友庆祝情人节，当被提醒可于元宵节补祝，他则笑说要瞓下先。

演唱会上的几场戏是从他两年前的剧本抽出，他认为这种跨媒体创作能带新鲜感给感众。另外，有合作单位叫他快点搞Tour，不过Juno就说未系时候，他，笑说：“等我返去瞓一瞓先，而家晕晕地。”又透露原本倾红馆演唱会歌单时有80几首歌想唱，不过冇可能，所以才会分拆成不同主题。

请按下图睇更多演唱会花絮：