Twins有意开Side Track演唱会　阿娇六字回应不再打侧手翻原因

Twins一连14场的《TWINS SPIRIT SINCE 2001 LIVE IN HONG KONG》演唱会在今日（6日）于红馆举行尾场，Twins在演唱会完结后接受媒体访问，讲到连开14场感受，她们说:“攰啰，直头开心呀！听日放假啦！呢个騒做得好开心。”

被问到会否不舍得粉丝，阿娇笑言：“佢哋一直都系喺度，冇嘢㗎！”至于会否开巡回演唱会，阿Sa表示：“会有巡回，应该下半年嘅时候。”讲到早前有表示希望开Side Track演唱会，会否今年内举办，阿娇说：“谂吓啦！”阿Sa则说：“好想有一个Side Track，今次拣歌嘅时候听返自己啲Side Track。”

讲到有否在演唱会感动落泪，阿Sa表示：“我《下一站天后》𠮶阵时真系有少少，见到每一晚𠮶度企𠮶个位都喺度挥手，会起鸡皮，今晚嘅气氛都好好。”至于是否今晚是否不够喉希望继续encore，阿娇说：“有谂过再出返嚟嘅，不过大家唔走，但导演真系建议我哋唔好再出嚟啦！”

阿娇被问到适逢生日撞正开演唱会的感觉，她表示：“被重视嘅感觉。（有否看到粉丝举起应援生日牌？）其实我都睇唔清楚系咩嚟嘅。”阿Sa说：“我有俾返张图佢睇，不过计划赶不上变化。”提到刚才在庆祝仪式表示演唱会终结后马上在后台进食，阿娇回答：“想食垃圾嘢呀！”阿Sa说：“我助手就系递啲薯片坏事做尽。”Twins继续指开骚期间胃口不太好，坦言有戒口。

讲到刚刚在台上容祖儿担任嘉宾的时候，即兴向台下的老板杨受成要求赞助旅行一事，阿Sa:“我想去啲有冒险嘅地方，冒险𠮶啲地方好贵，唔平㗎！”提到关智斌及容祖儿，今次都有做嘉宾，阿Sa说：“关智斌系俾我哋捉上嚟嘅。容祖儿系我哋演唱会嘅传统。”阿娇被问到在演唱会期间身体未能负荷再打侧手翻，她说：“我好返啦！（尾场点解唔再表演？）算啦，都打咗啰。”至于打侧翻是否训练很久，阿娇说：“唔使练嘅。不过𠮶日我食咗药感冒。”谈到日后演唱会否再表演打侧翻，阿Sa说：“日后再算啦！”