吴浩康被网民与张致恒作比较 承认被对方呃过：做朋友就唔会多讲
撰文： 关颖贤
出版：更新：
现年40岁的吴浩康近日密密地盘开工养家，获网民封为“职安真汉子”，不过吴浩康并没有遗忘歌手身份，宣布即将在2月24日元宵节水上乐园AQUALAND举行个人演唱会，更“停工”一天为个唱拍摄海报及宣传片。
当日吴浩康一身工业风造型亮相，更出动私伙安全带拍摄，即使危坐几层高铁架亦毫无惧色：“其实冇谂过会发展得咁快，主办佢地好锡我，觉得我属于舞台，所以帮我搞呢次音乐会。我都好多年都冇举行个人骚，今次唔会加太多新Idea，反而想保留歌曲原汁原味。”
吴浩康透露囝囝会入场支持，但不会邀请他上台做“嘉宾”：“唔会揾佢做嘉宾啦，佢仲咁细个！我都担心佢会走嚟走去，如果唱唱吓突然扭计，我都唔知点算，唯有扮睇佢唔到，否则要抱住唱㗎喇。”
拍摄当日吴浩康爬上高台拍片唱歌时，落手落脚装拆栏杆，手法睇落好专业：“其实我都担心有人误会我做地盘系宣传，有啲网民话我地盘唔驶做、行行企企，我都想问吓佢有冇呢啲笋工介绍！不过都唔理得太多啦，明我嘅人自然会明，唔洗解释太多。今次呢个骚会送飞比啲地盘兄弟睇，因为平时都出生入死，所以想邀请佢地嚟睇。佢地（工友）拣啲歌好大热，一定会唱㗎喇。依家做多咗工程，创意反而唔会多咗，而系怕啲工友太辛苦，唔好搞咁多嘢，最终得翻两条铁喺度。”讲到开一场唔够喉，盼Fans买飞打动主办单位加场。
提到网民将张致恒与吴浩康作比较，他表示有留意相关消息：“作为佢嘅兄弟，大部分人比佢呃过嘅嘢，我都比佢呃过㗎喇，但系做朋友就唔会多讲，我只想比佢嘅家庭同成长留番啲空间。”
张致恒新工作做带货卖奢侈品 网民吁“踏踏实实揾份工”获亲回应