中年好声音2｜陈俞霏爆喊自认人生失败　颜米羔赛前两日失声

《中年好声音2》周日除夕夜（31日）播出一集是第七部曲《十八强故事之歌 年终淘汰赛！》下半场，除了有肥妈、伍仲衡、张佳添、周国丰担任评审外，还有著名音乐人张家诚暂替陈慧娴任嘉宾评审。是集出场名单如下：《爱很简单》黄剑文、《邮差》周碧嘉、《时代曲》颜米羔、《人间》袁思乐、《没结果》陈俞霏、《深深深》谭辉智、《想你想得好孤寂》刘威煌、《追忆》林若盈和《曲终人散》沈宗贤。

今集“故事之歌”继续泪水泛滥，以All Black造型亮相的陈俞霏献唱《没结果》，她坦言这首歌是她人生的写照，她哭着说：“好细个爸爸就过咗身，妈咪一个人独力凑大我，好多单亲家庭嘅孩子都会明白，佢哋（父母）唔系好识爱，但佢会畀到好多物质上嘅嘢我，同埋选择咗道路畀我行，其实讲到底我都系想你接我返一次学，只系想一家人一齐食一餐饭，我咁多年嚟冇同屋企人过个一次生日，好多嘢都系批评之下度过，无论点做都冇用，所以我觉得人生系好失败。”

人生阅历丰富的肥妈闻言后语重心长说：“你觉得冇同屋企人食过一餐生日饭系好惨嘅事，你系错嘅，你家人锡唔锡你佢永远都系家人，同埋我哋𠮶代读得几多书啫，其实你哋依家大个咗，应该知道我哋𠮶代做嘢都好辛苦，我哋系用把口嚟教，我六年班都未毕业，点教我啲小朋友，咪日日闹啰，但系出嚟都OK，我哋唔识教呀，唔代表我哋唔爱你，你知唔知呀？”

来自马来西亚的沈宗贤献唱《曲终人散》，他坦言上一段恋情对他伤害很深，他说：“佢系我好喜欢嘅一个女仔，佢为咗我同屋企人嘈交甚至反面，我当时系以唱歌维生，收入唔稳定，依家谂番起系辜负佢好多，分手𠮶刻系好绝望，佢要出埠做嘢，但我𠮶时仲喺度考虑，唔想放弃音乐，到我挣扎咗成年之后，有一日夜晚，佢同我讲不如分开啦，当时我已经辞咗职放弃唱歌，但佢话已经太迟，叫我唔使放弃、继续追寻我嘅梦想。”感性的宗贤献唱前先来一个独白：“可能这辈子我们注定只可做朋友，是我没用，去找你的幸福吧。”

唱到尾声更忍不住爆喊，张家诚说：“我觉得你个人几浪漫，好勇敢地唱番自己嘅故事，好Touch到我，觉得咁嘅男人几浪漫，应该几多女仔钟意。”婉婉即踢爆宗贤分手后未有再拍拖，张家诚笑言：“吓，咁呢啲唔系浪漫，系傻仔，唔好意思！”伍仲衡搞笑踩多脚：“我真系要送你两个字，戆居。”张佳添更笑言：“我真系无言，成个森林喺出面，我单身咗8年，但我永不孤单！”场面搞笑。

愈唱愈强的颜米羔献唱《时代曲》，他说：“第一次听呢首歌系放学睇《都市闲情》，听到之后觉得，点解机会人人有，但我冇呢？”米羔献唱完毕后，婉婉说：“其实佢2日前失咗声，佢喺社交平台问我有冇神医帮佢医番好把声！”周国丰说：“好钟意你演绎呢首歌嘅态度，呢首歌系讲个大时代嘅小人物，其实系有啲愤怒，你失咗声之后都唱成咁，值得鼓励。”伍仲衡则说：“我想讲一样嘢，你成日都好爆，有爆炸力冇问题，但唔识收，你今日识收，系咪因为病病哋？你病病地有着数㖞！”