汪明荃鸡仔声唱足50年？　邓智伟：唱歌最紧要有独特性

相信大家去K房唱K嘅时候，身边总会有啲人，因为觉得自己唱歌唔好听而怕丑唔唱，有人会怕自己鸡仔声，鹅公喉，老牛声俾人笑。但今日要同大家分析鸡仔声，其实鸡仔声都可以称霸K房，甚至横扫乐坛！其实有鸡仔声要做歌手不是梦！

一个歌手要成功，要够红，一把靓声当然唔少得，但有好多人可能因为天生一把鸡仔声而却步，但你又记唔记得乐坛有唔少鸡仔声歌手，而且仲有一啲仲要系天后级，所以边个话鸡仔声唔得！

汪明荃

（阿姐）汪明荃入行50年，不论歌曲或电视剧甚至主持节目样样皆精，除了粤剧及电视剧，唱歌事业上亦有唔少代表作包括《金丝雀》、《万水千山总是情》及《勇敢的中国人》等等。“阿姐”除了喜爱演绎自己歌，也不时翻唱后辈嘅作品。“阿姐”曾经因为翻唱杨千嬅嘅《少女的祈祷》引嚟网友追捧，发起“发动高登力量”万众齐心支持汪明荃活动。

林忆莲

天后林忆莲，实力不容置疑。年纪轻轻就入电台做DJ嘅佢，1985年入乐坛，当年入行时被指鸡仔声所以不被睇好，结果唱出多首金曲：《灰色》、《灰色》、《明天是否爱我》、《依然》、《激情》、《伤痕》及《至少还有你》等等红遍大中华，1995年专辑《Love, Sandy》总销量达400万。

王菀之

演戏唱歌作曲样样掂嘅王菀之，虽然成日被指有一把鸡仔声，但刚出道已被人形容为“天籁之音”。2012年推出由林夕填词嘅作品《留白》，更夺得，“四大音乐颁奖礼歌曲奖”及，“十大劲歌金曲颁奖典礼金曲金奖”，“天籁之音”美誉实至名归。

泳儿

歌手泳儿，当年参加，“2005年度英皇新秀歌唱大赛”，凭住出色嘅唱功，夺得亚军并签约英皇娱乐成为旗下歌手。泳儿参赛嘅时候已经被指声线似王菲，出道后亦有翻唱王菲作品《天空》，今年亦推出与黎瑞恩合唱嘅新歌《摇篮曲》。