寰亚女团Me&筹备两年首次出骚超紧张　Mandy黄淑蔓Vian强忍眼泪

寰亚全新女团Me&筹备两年，近日终于正式出道，成员谭旻萱（Mandy）、黄淑蔓（Feanna）和连家颖（Vian）昨日（12日）首度公开表演，带著全新歌曲《Eye to Eye》与8位女Dancers突袭启德AIRSIDE商场玩快闪，全场惊喜，吸引数百人围观，有Fans带埋灯牌闻风而至，场面热闹。表演顺利完成后，Me&均表示非常感动。

首次在观众前跳舞的Feanna说：“我系超级超级紧张，但唔知我嘅紧张，源自于兴奋定系点样。未出场之前已经想喊，结果表演完，返入后台就即刻揾一个最深爱嘅人（经理人）揽住嚟喊。我觉得好开心，我哋辛苦咗两年，第一次公开演出，我觉得系大成功，辛苦晒！”全场拍掌。身旁的Mandy对她说：“我完全唔敢揽你，你个样系叫我唔好同你讲嘢，一揽你，你就会喊㗎啦！”她又笑言当时唯有立即转“好兄弟mode”，希望不要令Feanna哭出来。

至于Vian，虽然她之前都试过玩快闪，但今次感觉很特别，她说： “我相当兴奋！我以前只系喺铜锣湾街头快闪，跳人哋嘅歌，今次系跳自己嘅歌，感觉完全唔同，除咗兴奋，就好似Feanna咁讲：极感动！我哋真系准备咗好耐，见到好多亲朋好友嚟支持，终于可以畀佢哋嚟睇吓我哋呢两年准备嘅嘢，相当感动！”她坦言表演时脑内一片空白，说：“其实我一路跳舞，个脑一片空白，完全唔知自己跳咗乜嘢，只可以靠肌肉记忆，所以‘练习’真系可靠！”同样感到兴奋的Mandy说：“我肾上腺素急升，唔记得自己做咗啲乜嘢。见到好多朋友嚟睇，所以好有信心，完全无质疑过，相信系‘得嘅’，我份人乜嘢都‘得得得’，今铺一定‘得’嘅，结果真系‘得咗’！”

表演时Me&都好淡定，信心十足，原来开始之前她们互相打气，完全不用言语，相当有默契。Feanna说：“我喺台上有偷偷地睇你哋。”Vian说：“我都有呀，我都有呀！”Feanna说：“我睇吓你哋点呢？结果你哋都超靓。”Vian表示当时抛出一个“信心十足”眼神给Feanna，而Mandy原来轻轻拍拍她们打气，Feanna说：“我感觉到，劲感动呀，当时我已经想喊啦！”

Feanna对下一个舞台充满信心和期待，她说：“我哋下一个舞台会准备得更好，今次快闪系好好嘅练习机会。首先我哋系第一次喺咁多人面前跳呢首歌，第二就系夹埋Dancers，其实我哋今日唔系百份百完美，有进步和学习嘅地方，吸收咗今次经验返去再练习，期待下次带到一百分，更完美嘅表演畀大家。”Mandy说：“今次只系跳舞，下个舞台会加埋唱歌，要更加用力。都系𠮶句：得嘅！”Vian非常同意，大力点头。

快闪跳舞后，Mandy与Feanna和Vian 做快闪店长，Feanna与Vian在二楼AIRSIDE Lounge 派特饮，然后再会合Mandy到五楼MCL戏院派爆谷，吸引大批Fans排队签名和合照，非常热闹。