关心妍罕与哥哥同台合唱　美国巡唱囡囡返学无缘赴当地做“嘉宾”

撰文： 洪晓璇
出版：更新：

关心妍日前在美国三藩市红木城Fox Theatre举行两场“SHiNE妍亮”福音慈善演唱会，为天津“和平之君”儿童福利院筹款，所有盈利将用作帮助残疾孤儿，更成功邀请哥哥上台合唱。

关心妍赴美国举行慈善演唱会。
关心妍一口气唱出二十多首歌曲，当中不乏金曲如《陪著你走》、《放生》、《你有心》。

Jade美国粉丝齐集红木城，门票早已售清，而关心妍一口气唱出二十多首歌曲，当中不乏金曲反应热烈：“始终外地做骚都系靠自己执生解决，同埋今次做慈善要悭家，唔敢揾太多工作人员同行，我同经理人、助手3个人攞住十喼歌衫同行李过关，好彩都习惯一脚踢自己照顾自己。我觉得最难嘅系适应时差，所以都早咗成个星期飞嚟做准备，呢个场地都好有历史，过往都未试过有华人歌手喺度开演唱会，搞到自己都有啲啲紧张。”

关心妍笑指今次做慈善要悭家，唔敢揾太多工作人员同行，同经理人、助手3个人攞住十喼歌衫同行李过关。

呢次福音演唱会巡回，Jade自爆婉拒歌酬为慈善出分力：“歌酬唔系咁紧要嘅，呢个骚目的系帮人，所以今次做善事之余，又可以同移民嘅Fans见面聚吓旧，见到佢地一家大细嚟支持，感觉真系好得意！唱唱吓我都忍唔住爆喊，喺香港都未试过，成个骚都好有爱。而我哥哥一直都喺芝加哥，今次佢嚟支持我，所以我都叫佢做‘芝加亚哥’，佢见惯大场面梗系捉佢上台唱歌。”

关心妍哥哥原来一直都喺芝加哥，上台支持妹妹更一齐合唱。

Jade笑言早跟囡囡“讲掂数”，承诺下次再邀请对方做“嘉宾”：“佢一直都以为我开演唱会就有份上台唱嘛，但系佢要返学同考试，所以就要同爸爸留喺香港，唯有下次佢放假做巡回先带埋佢。依家晚晚都会视像倾吓计嘅，好在心心都大个囡，明白妈咪做善事帮人，同埋我出游可以比机会爸爸同佢独处啦。”