AGA演唱会｜终开得成骚感叹梦想成真　陈奕迅、24味任嘉宾掀高潮

江海迦（AGA）的首个红馆演唱会《AGA ONEDERFUL LIVE》头场今晚（26/8）举行，AGA在演出开始后，唱足个几钟才开口讲说话。演唱会几经波折终于顺利举行，身穿金色和服的AGA不讳言等咗好耐，又表示：“终于可以企喺呢个台度，好多谢你哋陪我一齐等到依一日！”

她唱完《问好》后，与嘉宾陈奕迅（Eason）合唱未派台的新歌《Special One》，AGA提到Eason是自己音乐的启蒙，说：“03年我睇你演唱会，坐喺绿闸上面，你唱《当这地球没有花》，𠮶一刻我毛管戙，好似摄咗入去。我Keep咗演唱会嘅Souvenir摆咗喺我琴上面，由𠮶时开始写歌，第一首就系头先嘅《Better me》。”Eason还表示，睇旧访问得知AGA当时仍读紧书，学校在山上，她于是不时买定零食带返学，以贵些少的价钱售给同学，借此储钱买Eason的演唱会门票。

两人讲到，AGA 14年已作好《Special One》的Demo，但到21年疫情期间，监制舒文不停问Eason：“做唔做呀？做唔做呀？”才终于录好这首歌，更录到早上7点，边录边倾偈。两人又表示，稍后这首歌就会正式推出MV。

睇更多AGA和Eason合唱的照片：

其后AGA换上另一套闪爆的赛车风服装，跳唱快歌《小问题》、《3am》，而组合24味惊喜登场合唱《Do or Die》，再次炒热气氛，然后AGA唱出《Citypop》，向歌迷大派飞吻。

AGA再次分享演唱会遭两度取消的心情，自觉幸运说：“每cancel一次个show，我都唔知自己要隔几耐先可以再企喺个台上面，但系我知道支持我嘅人系好多，因为每一次我行出街、搭䢂、搭地铁、去旅行，都有人问我几时再开Show，一问就问咗几年，我就答咗几年。”

经过这几年后，AGA更学会珍惜身边的一切，哪怕只是一树一木，她形容站得上台有如梦想成真，并谓：“确实系梦想成真嘅感觉，企咗上嚟之后，除咗我去做自己喜欢做嘅事 ，我发觉梦想呢个字有另一个含意，梦想原来等于唔辜负所有支持你嘅人嘅期望，唔辜负每一个人为你付出过嘅努力，如果你有自己梦想嘅事，都希望你坚持到底！”

睇更多AGA演唱会相：