Edan吕爵安开骚跳到爆衫 笑嘉宾Jer：你造星时都无咁肥

Edan (吕爵安）今晚（25日）举行个人演唱会《EDAN LUI “IN MY SIGHT OF E” SOLO CONCERT 2023》 头场。 Edan 以黑皮背心、紫色皮裤登场，手臂又有不少纹身图案，rock味十足唱出《Chat Mr E》、《帅到分手》、《离开地球表面》。

Edan返回后台换衫时，大萤幕播出他与演唱会嘅开会片段，Edan表示想要像Anson Lo在个唱过场片段般性感，身穿白衬衫嘅佢拎住花晒淋自己，十分铮笑，之后又扮Jer 《人类群星闪耀》时，但围绕他转的全是水果；最后他再扮姜涛举手牌，但却一直被雨淋，令他苦不堪言。

Edan 随后身穿巨型熊仔与dancers 一齐跳舞，在唱《小诸星》前终脱下熊头。脱下熊身之前，Edan 叫大家估下入面著咩，又话“无著？你就想，$1080想睇我无著。”他又问fans自己出场的造型有无坏过凯婷、大唔大只，又叫大家唔好𠱁佢，因为根本唔够时间操肌。“头下喺台下都好梦幻、好唔现实，好多谢你哋每一位捧场。”

Edan换上红黑套装跳唱新歌《E先生爱人执照》、《霸道总裁》，不过跳完之后，他自爆跳得大劲，连衫都烂埋。其后到唱《以后别做朋友》，邀请嘉宾Jer 出场，Edan 笑言请Jer 任嘉宾是因为同公司、唔使钱。Jer 表示Edan《造星》时，从未deep V过，结果遭对方反击“你造星时都无咁肥啦。”二人互串后，Jer 表示今晚演出比自己开骚更紧张，原因是能见证兄弟举行个人演唱会。