姜涛演唱会｜裤脚内全是绷带镇住旧患　与小猪表演实现两个愿望

姜涛的个人演唱会《KEUNG TO "WAVES" IN MY SIGHT SOLO CONCERT 2023》尾场，今晚于亚洲博览馆举行，完骚后姜涛接受访问，讲到他之前一直倒数可以打边炉的日子，完骚后是否终于可以打边炉，他说：“小猪（罗志祥）头先叫我唔好打边炉，咁我就唔打边炉，佢讲咩我都听。（佢叫你少吃一点啫。）咁又系㖞，咁我去打边炉啦，其实而家冇咩力，唔想食嘢，想瞓觉多啲、休息吓。”

他形容今次跟偶像同台，的确是成就解锁、感觉梦幻，一次过实现开演唱会，以及和偶像表演的两个梦想。他透露之前在马来西亚见到对方的时候，有邀请小猪做嘉宾，亦有WhatsApp联络，对方很爽快便答应。他解释选这两首歌表演的原因：“我第一次开Mini concert嘅时候拣咗《No Joke》嚟跳，第二只《够了》系我哋都面对好多外界嘅声音，觉得呢只歌好中我哋嘅心声。”暂时未知小猪的行程，未知能否约小猪吃饭。

讲到其他场次的嘉宾，姜涛说自己觉得林海峰很神秘，自己有很多东西想问他，希望他指点自己，结果林海峰转数太快，令他完全不知道怎样应对，他说：“我本身想攞返个主场嘅气势返嚟，点知佢一嚟就一轮嘴，我最大得着就系佢将我一啲可能会俾人笑嘅嘢，做一个好好嘅玩笑，我同大家都好开心佢化解咗呢一啲嘢。”谈起与第二场嘉宾谢安琪（Kay）拖手，他笑言：“阿Kay话我哋可以做一啲令人尖叫嘅举动，我话不如拖手，佢话好呀，我都有啲惊，因为彩排𠮶阵阿聪（张继聪）都企喺隔篱，但系咁都要拖㗎。”

而他介绍第三场嘉宾Gareth T.出场时，特地制造悬念让观众以为他要认爱，他笑著反问记者：“其实有冇人信，你哋有冇人信？毕竟我都做咗啲好疯狂嘅举动。”

今次个唱姜涛会给自己75分，因为他第一次开这么大型的演唱会，自谦经验不足，体力同技巧方面都有待提升，而他最喜欢是开场的部份。姜涛今日唱了尚未推出的两首新歌《好得太过份》和《Every Single Time》，问到他是否惊自己会喊才留到最后一场唱《Dear My Friend》，他表示：“讲真，以前讲过话唔再唱呢只歌，但系谂谂吓，我今日临时先决定，彩排嘅时候同佢哋讲话我想唱，我觉得自己冇嘢，但系一个咁重要嘅日子，我希望佢听到。”

讲到姜妈来睇show，很多姜糖都叫他做奶奶，而且姜妈衣著很性感，姜涛尴尬笑谓：“我真系control唔到我阿妈，佢开心咪得，唔好限制佢啲衣着，我有时睇啲相我都⋯⋯根本唔系我想做Artist，我阿妈想做artist。”

姜涛被问到之前的伤患会否影响演出，他透露：“我哋有好好嘅团队帮我做物理治疗、针灸，啲裤下面全部都系绷带，绑住就OK，但我谂四晚暂时都系一个极限。（如果下次再开呢？）够啦，够啦，出年再开，三四场都得㗎喇！（Anson Lo话开廿场。）哦⋯⋯祝佢顺利，我差唔多啦，哈哈。”