新歌RAP失恋　马米自称爱情狩猎者：我未失过恋

曾经多次自称自己为全港最靓仔嘅rapper Masta Mic（马米），继2016年推出单曲《Good Times》后一直未有新歌。直到最近终于推出了2017年嘅第一支单曲《Backseat Love》。MastaMic表示：“《Backseat Love》系我作品入面比较少见嘅情歌。内容讲一个男仔一直暗恋自己嘅好朋友，可惜一直未敢表白，直到个女仔有男朋友。喺一次聚会后，男朋友驾车接女孩，并顺路送男孩回家，男孩喺后座见到个女孩同男朋友嘅耍乐，心中不是味儿，喺车程中嘅心路历程。”

问到Masta Mic今次呢首歌系唔系Rap紧自己经历，Masta Mic：“点解有咁多人都咁问？个故事真系唔系讲我，系我朋友嘅故事。其实我真系未失过恋，我系一个唔会失恋嘅爱情狩猎者。”

Jase @ C All Star为歌曲加入R&B味道

Masta Mic对上一只歌《Good Times》就揾嚟Jerald (Swing成员)合作，今次《Backseat Love》就揾嚟Soul Jase (C All Star成员)唱副歌。“我一直觉得Hip Hop加R&B系好好听，而喺香港要揾到一个能够唱出呢种味道嘅人只得几个，而其中一个就系Soul Jase。今次真系好多谢佢嘅帮忙。”Masta Mic说

Masta Mic：“今次《Backseat Love》无论制作上或MV拍摄质素上，都拍得住签咗大公司嘅歌手嘅作品。我好想再一次多谢导演Dee嘅帮忙。喺香港做Rap真系唔容易，希望大家多多支持。”