容祖儿相隔四年宣布演艺学院开33场演唱会　歌迷狂呻一票难求

乐坛天后容祖儿相隔四年终于宣布香港开骚，海报未出，演唱会名未定，内部认购已惊人超额满泻。今日（29日）公开发售，门票马上秒杀，有不少歌迷网上呻一票难求。

祖儿正式公布演唱会《ANOTHER SIDE …… JOEY•MY SECRET•LIVE》7月13-16日、18-23、25-30日、8月3-6日、8-13、15-20及22日，共33场。祖儿知道网上抢票很难，所以一早已经细心为歌迷会安排了一日专场，但一日又怎够歌迷四年相思之苦，故有不少粉丝都求加场。

祖儿表示加场要更公司商量和安排：“其实为防打风落雨等等，可能仲有少少档期。谂紧如果可以，不如好似上次咁，加开慈善场，大家一齐做有意义嘅事，实行到等公司再宣布。”

决定开演唱会后，祖儿指有不少朋友问为何这么辛苦开这么多场演唱会，祖儿说：“当然开红馆系一个选择，明年或者会开红馆呢，哈哈。今次我拣APA（演艺学院）先 ，系好想有一个同观众超近矩离空间去分享时光，六年前来过这人骚的，都会明白APA无论系做骚或者睇骚 ，郁会得到另一个层次的感受同感动，而且歌迷都问左我六年，会唔会再开呢种骚，咁档期及所有工作都可以配合，就即刻决定再做多次，好想同大家一齐再享受一下呢种近矩离亲密时刻。”

早前祖儿为演唱会拍摄海报，当日大师林海峰影了个多小时就宣布收工，令她吓一跳：“真系好多谢阿Jan，影海报个阵佢其实自己好忙，又舞台剧，又好多其他工作，上一次《My Secret·Live》都系佢设计海报，同Wing Shya（夏永康）影，今次我好想原班人马再出发，所以Jan再忙最后都答应帮我做，由我入行至今佢都一直默默支持我，我几乎全部红馆骚都系佢帮我录好多VO，初出道个阵佢又系电台节目大力推介我呢个新人，所以有佢帮我设计海报，我会好安心，依家我经常经过隧道附近个位见到自己张海报，我个心都会谂起佢，好多谢佢拣左呢张相，真系好呈现到一个最舒服悠然自得的我，一张相就已经话到比大家感受到，今次系一个如何私密及悠然自得的骚。”

至于彭秀慧祖儿就表示，上次是她做导演，今次当然都系她去负责，“APA系佢主场嘛，女导演会系骚入面浸多一份温柔，哈哈。彭秀慧话上次咁好，今次都有压力，我信佢好有压力，因为佢份人咁认真，一定会要求超越上次，所以连月来佢都不停迫我哋开会开会开会，佢已经听紧我几百张唱片拣歌，我想同步开放比歌迷一齐拣，大家想听咩 去我IG 留言，写低歌名，我地一定会睇到研究系咪适合，快啲留言俾我啦。”