CHILL CLUB｜姜涛得奖感言变点评11位队友 亲认与一队友无倾过偈
《CHILL CLUB 推介榜 年度推介 22/23》今晚（7日）在亚洲国际博览馆举行，其中“CHILL CLUB年度男歌手奖”金银铜奖都由MIRROR成员包办，银奖得主姜涛虽然输了畀卢瀚霆（Anson Lo），但他用了近6分钟逐个队友致谢，网民起初以为他要发表惊世言论，甚至担心他要退团。其实姜涛的致谢感言十分真诚，但网民听起来却说他似点评队友，甚至说他机心重。
《CHILL CLUB 推介榜 年度推介 22/23》的大奖“CHILL CLUB年度男歌手奖”，铜、银、金奖依次是MIRROR的陈卓贤、姜涛和卢瀚霆（Anson Lo），其中姜涛获得银奖时，表示有少少嘢想讲，因为以往攞奖都只多谢Fans，但从来冇在台上多谢过MIRROR其他11个队友。
之后他真的确实由队长杨乐文（Lokman）开始逐一致谢点评，他说：“Lokman，我记得头几年内部有好多问题，大家有睇《调教你MIRROR》都会知道，但经过《调教》，我知你好努力成为一个队长，我好Respect你！”
“Tiger，虽然《调教你MIRROR》话每日同你讲50句嘢，但系每日一句都冇，但系我知你喺电影、唱歌都好有Talent，继续加油！”
“Jeremy，你系我最surprised嘅一个人，老实讲我喺《全民造星》嘅时候并冇特别留意你，你系我觉得咁多个成员之中真系进步得最多最多嘅一位！”
“Alton，我每一次揾你都系倾无聊嘢，我知你一直好渴求有表现自己嘅机会，我相信你总有一日会做到！”
“Frankie，我同Tiger可能有一句，但同你可能一句都冇，但我知你仲好努力揾自己目标，相信你比《调教你MIRROR》𠮶阵更加清楚自己嘅目标，所以加油！”
“AK，虽然都系脾气照旧，但系我知你都好努力好努力成为我哋副队长，所以都多谢你。”
“Ian，I love you！我proud of你值得拥有嘅一切，你攞奖我好开心。”
“Stanley，我知你好想成为一个演员，我知你对演戏嘅热诚比在场每个人都更加更加多，你一定会成为一个好好嘅演员。”
“阿Jer，我知你想做自己音乐路，一直对自己嘅音乐好有坚持，继续坚持落去，因为我都系一个咁样嘅人，加油！”
“Edan，你实在系一个非常全能努力嘅人，我只可以讲，你系我喺MIRROR入面第二佩服嘅人。”
“Anson Lo，外界成日都将我哋攞嚟比较，我知我哋好多支持者有时因为我哋有好多争拗，我从来冇理过呢样嘢，我真心地，喺《全民造星》到依家经历好多误会，但我永远都系最信你！你知㗎！所以，I love you！”
网民原本有点担心姜涛好似《叱咤乐坛流行榜颁奖典礼》般突然冲下台，幸好最后冇，有观众认为他很真诚，发表言论纯粹是想感谢团中各位大哥哥，并向外界证明MIRROR感情不变，经得起考验，粉碎不和传闻。
但却有网民认为他“致谢”变“点评”，暴露队友缺点如：AK脾气差、Frankie冇目标等，更指他当个台是自己、扮队长等，认为这些言论可以等到攞终身成就奖先讲，或者私下讲就够。