十大中文金曲丨一半得奖者冇到场　炎明熹走两场闻攞奖嘟嘴劲错愕

《广播九十五周年 十大中文金曲颁奖音乐会》于今晚（6日）假红馆举行，出席的得奖嘉宾寥寥可数，司仪今晚讲最多一句可能是：“得奖嘉宾有工作在身，大家都好忙。”不过，无线（TVB）今次都“畀足面”，有份得奖的炎明熹（Gigi）和钟柔美均亲身上台领奖。

炎明熹和MC今晚在伊馆做骚，错过领十优歌手奖，中途赶到现场攞十大金曲。当宣布《好想约你》夺得“十大中文金曲”时，炎明熹表现有点错愕，嘟嘴卖萌。炎明熹一身黑白装华丽登场，不忘感激一直陪伴自己的人：“首先好想多谢大家一路以嚟嘅支持陪伴，万千嘅体谅，然后亦好多谢大家嘅热情，因为我系一个好容易怕丑嘅人，但同大家熟悉后就同大家熟络起嚟。之后得到大家陪伴，先令我慢慢放开自己同大家倾偈，仲有好多谢公司，同香港电台，等大家畀呢个机会我，然后亦都多谢大家畀呢个机会我，我会继续加油努力！”献唱一开始，炎明熹好似有点感冒未开声，边播音乐边说：“一路多谢大家一直以嚟支持，多谢大家咁爱锡我，有少少感动。”之后才继续唱。

而钟柔美仅夺“最有前途新人”优异奖，未能得金银铜，她在台上亦有多谢好多人：“首先多谢港台颁奖，多谢公司TVB 、爱爆音乐，乐小姐畀咗咁多机会我发挥自己，仲有多谢我两首歌背后制作团队，化妆师、发型师、stylelist，仲有我屋企人、朋友同一直支持我嘅fans，多谢大家！”