Anson Lo卢瀚霆牛仔露腰装劲舞感怕丑：冇预计到件衫会拉到咁高

卢瀚霆（Anson Lo）昨日（2/4）为“西九音乐节”演出，并以一身牛仔露腰装登场大晒白滑纤腰。教主先后跳唱出《Mr. Stranger》、《EGO》、《MONEY》和《Megahit》炒热全场气氛，又特意准备了《不可爱教主》向教父、教母，以及一众神徒表达挂念之情，现场弥漫着甜蜜气氛。

Anson Lo于骚后接受访问时透露曾叫父母不要来睇骚：“天气差，落雨同埋好焗，好惊佢哋焗到晕。妈咪好担心我身体状况，我都好担心佢身体状况...但佢好想见证，好耐冇表演嘅仔出返嚟表演嘅第一次，所以佢好坚持要嚟。”他更提醒父母要带定两支水，回想起于台上与父母Say Hi，教主表示很感动：“每次喺台上Spot到屋企人，会由心笑到成个细路仔咁，因为每晚同你同屋嘅屋企人，望到你喺台上面，个仔好似同喺屋企个仔完全唔同，系好神奇一件事。”

他大派定心丸表示有食饱才上台表演：“我promise大家唔使再咁担心我，我食咗一大碗饭，之后去化妆换衫，饮咗成三支水，上次我唔舒服医生叫我食多啲嘢，同饮多啲水，所以咁重要嘅日子，我要包保冇事。”谈到今日的露腰造型，教主坦言有点怕丑：“而家咁睇好似好subtle，但一跳就露好多，我又冇预计到一跳舞，件衫会拉到咁高，有时太兴奋又会做咗啲拉得再高啲嘅动作。”

谈到5月的马来西亚演出，Anson Lo指虽然这段时间要同时拍摄《12怪盗》和《盗月者》，不过行程编排松动，仍会抽到时间与乐队彩排。讲到同场的还有田馥甄（Hebe）时，他双眼发光表示：“Hebe系我读书时候，去唱卡拉OK一定会点唱嘅歌手，见到佢真人握个手都好开心。”