西九音乐节｜姜涛自觉对唔住粉丝鞠躬一分钟：佢哋都受到好大压力

自年头的《叱咤乐坛颁奖礼》后，姜涛事隔三个月，昨晚（2日）再踏上舞台为“西九音乐节”演出，状态大勇的他落力跳唱合共六首歌曲，中间没有停顿位唱足30分钟。姜涛于骚后接受访问时坦言紧张了一整天：“希望畀到好嘅表演大家睇，希望大家畀多啲令我继续进步嘅意见。”谈到于演出尾声鞠躬近一分钟，姜涛解释：“最对唔住系我啲粉丝，佢哋都受到好大压力，所以𠮶个鞠躬系畀佢哋，亦都系畀呢段期间批评我嘅人，我觉得大家批评得好。”

与粉丝大合唱《蒙着嘴说爱你》后，姜涛更感动到眼湿湿，他笑言有沙入眼：“太耐冇见fans，成个表演冇太focus台下面嘅人，唱《蒙着嘴》relax啲见到大家，佢哋都喺度，所以好开心。”问到想跟姜糖说的话，他表示：“辛苦大家，希望以后会令大家骄傲多啲，有啲fans可能会唔开心，但唔开心嘅时候睇多我哋一眼。”

于舞台上劲舞近20分钟，姜涛透露脚伤已近乎痊愈：“而家系慢慢保养呢只脚，都要keep住去做物理治疗，手术后嘅复原都7788。”姜涛更首度献唱新歌《DUMMY》，歌曲的背景音乐充满嘲笑声，他表示是自己的主意：“呢首歌有少少自嘲，自己笑声系自己都想笑自己，由开始大家对我嘅批评，到后尾慢慢到自己接受，慢慢觉得自己先系𠮶个Dummy，开头接触到呢啲声音时会觉得大家都系Dummy，其实睇返自己先系𠮶个Dummy。”至于新歌MV推出的日期，他未能答实，仅表示希望赶得切在生日推出。提到早前飞到日本的“Big Project”，姜涛终揭晓是为了自家服装品牌，他同样希望能在生日推出，而品牌的名字，他就表示：“未透露得。”

姜涛将于5月伙拍卢瀚霆（Anson Lo）、柳应廷（Jer）及吕爵安（Edan）飞往马来西亚表演，作为首个外地骚，他表示会落力准备是次演出：“唔知𠮶度观众认唔认识我哋，初次见面希望畀个好印象佢哋。”提到将于偶像罗志祥同场，姜涛露出兴奋表情说：“真系期待，出道之后冇再见过佢。”