Edan跳唱《三分甜》作愚人节礼物　再回应“脱粉潮”：唔觉得有

吕爵安（Edan）昨日（1/4）为“西九音乐节”演出，适逢愚人节，Edan出场前先整蛊观众，表示因身体不适未能到场参与演出。数秒后，他便以西装Look出场并自弹自唱《E先生连环不幸事件》，为了安抚粉丝被欺骗的心灵，Edan夹上蝴蝶结大跳《三分甜》，𠱁得全场观众非常开心。

首次连续唱足半小时，Edan接受访问时坦言虽然紧张，不过满意自己的表现。讲到拣选跳唱《三分甜》的原因，他表示希望能有郁动的歌曲：“本身谂过会唔会跳啲好有型嘅舞，但时间唔系好够，太有型惊Carry唔到，忽发其想就不如跳《三分甜》，问花姐又话好㖞。希望畀啲Surprise大家，今日又系愚人节，就畀份愚人节礼物大家”，他笑言完全不需要苦练娇俏表情：“𠮶啲系我最叻嘅嘢。”过往的愚人节，Edan都有整蛊粉丝，今年亦不例外，他笑指：“如果粉丝每年愚人节都谂返起我，或者一啲回忆咁都几好。都难嘅，下年要谂起新嘢，都唔系咁易谂，所以随缘啰。”

Edan于台上重提“脱粉潮”，他受访时亦有再作解释：“上次访问系问我有冇‘脱粉潮’，我话‘系咩？有咩？我唔知’，但见到啲标题话Edan confirm，又话个原因系12子唔齐人，但完全冇讲过。但唔紧要，喺度再讲过，冇觉得有‘脱粉潮’，呢个言论系因为见到Facebook几张卖应援嘅图，但都系几张啫。会唔会有粉丝唔追就唔系而家啦，由出道到而家都会有，我觉得大家唔使觉得咁大件事，我哋都唔觉得有咁嘅现象，当然要继续做好啲。”