【周柏豪演唱会】阿Sa压轴惊喜现身　被笑识计数系小富婆

周柏豪的演唱会昨晚（30日）到最后最后，Encore时段请来近排一齐出电影的阿Sa（蔡卓妍）做嘉宾，阿Sa似一身红色露背长裙现身，并与柏豪合唱当年他和郑融的名曲《一事无成》，柏豪大赞阿Sa够朋友，一个call即度期撑场。

阿Sa上场后笑言：“其实我今次嚟系有目的，我想宣传我哋套《原谅他77次》，我计过数……”柏豪即打断对方，笑言讲计数绝对是阿Sa优胜：“计数你最正啦，你咁多楼，娱乐圈小富婆。你啲珍珠我唔敢掂，赔唔起。”

但阿Sa就坚持说下去，讲到全场一万人，如果都去睇戏就有好多票房，不过计计下，阿Sa就讲乱数字，令柏豪大笑：“一阵间佢哋又话我唔识计数啦，15加10等于30，咪话咗个5分钟post嘢啰，我识㗎。你上嚟‘戙’我嘅，开骚计唔到。”接著柏豪就赶阿Sa离开舞台，等到阿Sa落到升降台时，柏豪又笑着说：“呢个场我㗎，走啦！我细细个就听你啲歌。”搞到阿Sa忍唔住回敬一句：“去死啦！”二人的对话引得全场大笑。