专访︱黄妍少用言语表达爱意 自爆读书时期最浪漫的一件事
很多时候，人们都不会轻易说出“喜欢”和“挂念”来表达心意，大概是因为怕尴尬、怕肉麻，又怕对方听到后会不知所措。既然如此，倒不如转用婉转的方式，透过文字和旋律传达爱意，含蓄得来又不失浪漫。黄妍（Cath）的新歌《异地书》正正就是将思念之情化成歌词和旋律，亲自作曲并由合作无间的王乐仪填词。回想起写歌当天，Cath说窗外下着密密麻麻的雾雨，世界有如铺上一层白纱，若隐若现如同思念，这么有意境的歌当初却竟然是“被抛弃之作”。
将思念之情写成旋律 以文字传达心意
Cath于前年年底的一个雨天写下《异地书》，虽然旋律连自己都觉得好听，但却因编曲不够精彩没有被选用。后来她寻求A&R同事帮忙重新编曲，最后成功被采用，并交由合作无间的王乐仪填词，将思念之情实体代：“当时写Demo时嘅思念系有少少想像，但系经过上年，身边有朋友去咗外地生活，自己经过三年又终于飞咗去咗外地，好感受到𠮶种异地嘅思念。再经过乐仪手去将件事实体代写出嚟，就有而家呢个《异地书》。大家喺唔同地方，但好少用言语去表达心意、谂啲咩…反而会用书本好婉转、好文青嘅方法展示畀大家听。”
很少将爱意说出口的Cath，会选择用文字表达心意，连跟爸爸闹交，她都会用书信交流：“同Daddy嗌交嘅时候会写家书，会写信，好嬲嘅时候讲嘅好多都系气话，咁咪写信。我好少讲‘喜欢’或者‘挂住’，但会透过书同文字寄意。”爸爸会回信吗？她提高声调笑说：“会呀会呀，会回信㗎。我发现我阿妹都系咁，佢发现我呢个方法Work就跟，会写信，好好笑。平时好嘈讲啲冇营养嘅嘢，但一到啲好正经嘅事就会写字。”Cath自爆读书时期会写情信，更曾经做过一件非常浪漫的事：“唔知用咗几长时间写咗自己生活落本日记度，𠮶时男朋友生日，就送咗本日记畀佢，好浪漫嘅一件事，跟住冇再做过啦，哈哈。”
重提创作路上最痛作品 透过写歌学会释怀
创作源于自身经历，亦会勾起伤痛回忆，但Cath庆幸自己从不孤单，全因创作路上有王乐仪：“我哋会将回忆分享，将伤痛分担。我唔开心时同佢讲，佢都好似会感受到，相反都一样，一齐去感受，一齐去成长。”
数到最痛的一首作品，Cath坦言是收碌在首张专辑的歌曲《你还在》，后来获王乐仪填写粤语歌词《寂静的回声》：“有个朋友离世，但我冇办法履行到一啲承诺，佢喺台湾因为，𠮶种懊悔，你觉得自己敌不过世界、时间，命运嘅无力感好重，所以写咗《你还在》，托咗我表姐喺𠮶位姐姐嘅丧礼上面播咗。呢首系第一首我觉得好伤痛嘅歌，好少唱返《你还在》，因为每一次唱都会有情绪。”透过写歌，Cath学会释怀，而歌曲和文字就如分担重担一样，同时又能疗愈有相类似经历的人：“就系音乐、文字好神奇嘅地方，自愈嘅过程中都同大家一齐疗愈紧。”
演唱会重新面对恐惧 自爆练歌会黑面
靠歌曲疗愈伤痛，靠演唱会重新面对恐惧。Cath将于三月在旺角麦花臣举行两场演唱会，并以人生中最大恐惧“水”为主题。小时候的她曾遇溺，自始之后便对水产生了恐惧：“最严重嘅时候系唔够胆喺水中心，坐船时喺水中心，即使见唔到水，我会觉得好惊，系唞唔到气嘅惊慌。”
长大后，身边的朋友开始鼓励和陪伴她面对恐惧，而令Cath恐惧的不但只有水，她坦言入行后，就连对自己有信心的唱歌亦产生恐惧：“发现自己能力好唔够，可能喺一啲大骚，大家一齐唱歌时，发现原来自己把声系好唔出，人哋系咁叫我唱大声啲，但我已经尽咗，我冇办法㖞，𠮶下就会有恐惧，面对恐惧就系不如去学唱歌。一学就慢慢开番声带可以运用嘅地方，把声开咗就会面临另一个恐惧，会有一段长时间唱歌好唔稳，再次panic去谂呢个做法系咪啱？系咪要继续学落去呢？应对恐惧方法就系狂练，练得再甘啲，练到个喉咙准备咗，咁就可以应对呢个恐惧。”当你成功克服，就能在恐惧中绽放光彩，但面对恐惧的过程中却总有失落、想逃避的时候，Cath笑言：“大家唔可以睇我练歌，我系会黑晒面，‘点解又唱唔到？’之后系咁唱、系咁唱。我练歌个样好恐怖，哈哈，你唔可以惊咗我𠮶种黑面，我会系咁嬲自己。”
希望以歌证明自己 深信好作品一定会找到知音人
于年头的《叱咤》颁奖台上，Cath连续第二年夺下女歌手奖项，最令她感动的是团队获得肯定：“要做文学嘢，对普遍人嚟讲系件好偏嘅事，但大家都喜欢、大家都肯定呢样嘢。唔系对我肯定，系对成个团队嘅肯定，因为系成个团队一致去行呢条路，系好感动。”偏门的音乐路不易行，有想过做较大路、较商业化的歌曲吗？她不假思索回答“冇”，因为喜欢，所以乐在其中。
每年赛果一出，网上总会出现大量的批评声音，Cath笑言“冇睇”，不过亦会从朋友口中得知网民意见。她坦言最感动的是朋友、团队，以及粉丝比她还要紧张自己的感受：“佢哋睇到网民负面嘅comment之后，佢哋会戥我唔抵，见到佢哋嘅时候会叫我唔好唔开心，但我话我冇睇。如果你唔认识我系唔紧要，我希望你会听到我嘅歌，如果听到我嘅歌，跟住想认识我，我宁愿你用呢个方法认识我，所以我会继续做歌，继续专注创作。”希望以歌证明自己，Cath深信好的作品一定会找到知音人。
点撃睇更多Cath专访靓相：
Makeup: Yu Tsang @ Jessica’s Team
Hair: Alex So @ The Attic
Styling: Kay Pang
Top & Coat : @beams_hongkong
Pants : @unitedtokyo_hongkong