姜涛临时缺席活动队友派定心丸　AK：佢吹亲下

MIRROR原定今日（2月11日）全员合体现身购物平台活动，但于活动开始前4小时宣布姜涛因身体不适缺席，令一众粉丝非常担心。开骚前，大会播放12子的宣传录音，当播至姜涛时，现场传出欢呼声。约下午4时，11子以白马王子Look出场并即席跳唱新歌《Go Green》，不过表演只有短短1分钟，相信粉丝一定未够喉。活动去到尾声，大会播出新歌MV，MIRROR在一遍花花草草中跳舞，品牌高层透露拍MV当日有数位成员身体不适：“但大家互相关心，系好好嘅teamwork. MIRROR not only singing, but create impact.”

11子于骚后接受访问时亦有透露姜涛情况，并指今日有即时联络对方，AK说：“㖊晚佢同我哋讲做完嘢有少少唔舒服，我哋叫佢唞下先，今朝知佢唔系好搞得掂要睇医生，所以最后先有呢个决定。（有咩唔舒服，同只脚冇关？）未必关只脚事，应该系吹亲下，同埋转天气，一唔小心就入啲感冒菌入去。”AK续指一直有跟姜涛联络：“新年都有见过一次，都有keep住知道佢近况。”

而姜涛在社交平台消失40日，亦令粉丝们十分担心他的精神状态，AK表示这段时间姜涛专心养伤：“佢明白fans关心，有时都唔想po太多伤患嘅嘢，唔想大家担心，佢想自己经历完呢段时间再话畀大家知，我估系咁所以最近少咗po嘢。”Edan补充姜涛的状态OK：“呢个表演排舞，其实佢都有一齐练，系有一个12人version，佢真系因为身体抱恙所以先冇办法，见佢状态都OK㗎，所以大家唔使咁担心。”至于他的脚伤，Lokman坦言：“未咁快100%康复，要时间train番。”

姜涛的身形又是网民热议的话题，问到这段时间他有否努力keep fit时，AK表示他目前一定是先专注养好脚伤：“脚伤令佢好多运动唔做得，因为要锡住只脚，佢用自己时间同方法去处理自己嘅问题。大家都有畀空间佢，冇过问太多，佢想用metime去做，冇畀太多压力佢。大家会喺gp度关心佢，佢久唔久都会上水讲下康复进度。”

Stanley透露姜涛有到他的gym room健身：“所以瘦咗啲…佢只脚未100%，好多cardio未必做得好激烈，冇得做cardio相对地会慢啲，最重要系正轨咁样减就最好。”