龚柯允苏梅岛大解放 与家人吃饭不忘唱歌助庆

逐步开放通关后大家都纷纷去旅行，而大马歌手龚柯允(Karen)今次无选择回乡，而系同家人一齐去旅行，到泰国苏梅岛享受阳光与海滩。

Karen受访时表示:“上年有一个机会可以返马来西亚同屋企人相聚，闲谈时都有提到好长时间无一家人去旅行，所以等到通关后第一件事就计划一齐出游，会选择去泰国苏梅岛系我地都想真真正正咁过一个好放松之旅，今次系第一次去苏梅岛，同埋太耐无去旅行，一个唔留意就订左间比较偏远既villa。不过环境真系好舒服，而且villa既服务对我唻讲系可以几日都唔出去，不论食物同按摩服务都系平靓正!! 我地一家人几乎每日都按摩，真系好爽!!”

她续说:“隔左咁耐再出游其实都有啲陌生，执行李都有担心自己会唔会拎少左啲必需品，出门既时候又再三确认自己有无拎齐证件。到真系出左境上左飞机果一下先安心啲。(问到今次旅程有无难忘事?) 我地有日去左间意大利餐厅食饭，现场有live band仲有驻场法国歌手表演，其间有邀请食客上台jam歌，妈妈就话好耐无听过我唱歌，所以我就即刻举手上台jam歌，台下大家欢呼支持真系好开心。仲有行街既时候见到有人busking，都忍唔住要远距离合唱一下，我都好享受可以同唔同既人jam歌既感觉，希望之后有机会可以同唔同歌手合唱下。讲到新一年计划，Karen表示系音乐作品上希望可以尝试一啲之前无试过既风格，亦都揾既灵感去创作更多歌曲。希望今年可以更多方面既发展，可以再拍电影就更好了。”