叱咤2022丨谢安琪伤感爆90岁爸爸记忆力衰退　冷亲唔唱现场

谢安琪凭《忆年》选入“专业推介叱咜十大”第五位，她在台上多谢作曲编曲及监制，将爸爸角色加入歌曲内，让她勾起很多童年回忆，她更自爆近90岁的爸爸近身体不适入院，令她很担心，哽咽地说：“爸爸就系带我认识呢个城市嘅人，所以我开始明白点解，我想喺歌曲里面同大家分享回忆。尤其是我想分享少少私事，就系我Daddy就嚟90岁嘞，最近有啲唔舒服入咗医院，咁……开始记忆力衰退，咁喺呢个时候得到呢个奖项，对于我嚟讲系好有意思，因为我想将《忆年》呢首歌送畀我爸爸，同埋如果可以嘅话将啲记忆力都送畀我爸爸，同埋佢唔好唔记得咗我，唔好唔记得呢个城市。”

冷亲声带受损唔唱现场

谢安琪还未讲完便起音乐，但她仍然继续讲：“我今日都好想为大家唱呢首歌，但我上星期冷亲声带受损，今日未必可以为大家演唱，但我想豪气少少，将我演唱时间cut咗佢，送畀下一位得奖嘅歌手。”此时，谢安琪收起悲伤心情，一秒即转露笑脸：“哈哈，因为平时我哋系唔够时间讲感言嘅，大家都有好多感受，所以我将我呢首歌剩番嘅时间送畀下一位歌手。慢慢讲，入我数！”将奖项高举对住镜头，然后返入后台。

谢安琪在后台接受访问，提起老父即眼湿湿扁晒嘴：“首歌系讲我小时候爸爸带我游走香港唔同嘅地方，爸爸就嚟90岁，《忆念》系讲记忆，我开始明白点解咁在乎记忆，因为爸爸开始唔记得嘢，我都好担心，想将自己嘅一啲记忆力送俾爸爸，希望佢唔好唔记得我，同埋我哋嘅快乐回忆。”