【多图】容祖儿尾场感触哽咽：其实我同十八年前一样无变过

天后容祖儿合共17场《My Secret Live》演唱会昨晚于演艺学院正式拉下帷幕，Joey全场情绪high爆，除了多次兴起唱到眼湿湿外，唱到《出卖》还差点在舞台上跣倒，还好她下盘够稳。中段全场大合唱《心淡》环节，几乎个个歌迷都开口合唱，就连台下英皇老板杨生亦参与其中， Joey笑言：“大家有冇系K房唱过呢只歌？杨生你做咩举手，你系咪真系有唱过㗎！”

因为今场是最后一场，所以Joey都份外感触，她向大家剖白她做这个side track演唱会的初衷，她说“做呢个骚嘅原因本身系谂住自己开心，当系自己嘅礼物，歌迷又会开心，开过好多次红馆都未必有机会唱呢啲歌，好多谢公司同老板投资咁任性嘅演唱会，做完呢个骚发现远远超过自己以为只系开心呢样野。”有很多朋友都来看过她这个演唱会，然后他们跟Joey说这个骚很不“容祖儿”她不禁哽咽跟大家澄清道：“我想同大家讲，其实我冇唔一样，呢个容祖儿同18年前一样，但系而家系成长版嘅容祖儿，因为佢仍然好多甩漏，但学识打完场，仍然好‘甩咳’，但知道点收番个尾，仍然好九唔搭八，但得体咗啲，呢啲系我唔知嘅，系你哋话番我听，多谢每一位观众睇完个骚，话我听你哋好开心揾番最想见到嘅容祖儿。”

Joey特别鸣谢一直在她身边的天使，她指妈妈比她在台上演出更累：“佢骚前骚后都冇同我讲好多嘢，但佢等我返到屋企会帮我精心准备宵夜，又准备一盘热水浸住我晚晚著高踭鞋嘅脚，我妈妈真系最辛苦，因为佢呢几年都同病魔搏斗紧，每一日都好辛苦，但坚持嚟睇我，佢睇得好开心，我都好努力令佢睇得开心，希望以后每次演出佢都睇到！”

她回望自己走过的路并不平坦，她回忆出道头一两年曾自荐过两间唱片公司，但都遭到拒绝，她说：“唔止，我细细个已经嚟过演艺，𠮶阵我系嚟面试参加香港儿童合唱团，我当时系沙田儿童合唱团，但我唔甘心系净系喺沙田唱，我系同祖蓝一齐嚟面试，结果系佢入咗我落选，点估到廿几年后嘅今日喺度开到17场演唱会，多谢大家将我由沧海遗珠变成掌上明珠。”全靠Joey把握每一次的演出机会，有次在中学演出时唱了陈慧琳的《一切很美只因有你》，让她得到赏识，最后更可以红馆开过8次演唱会，机会是留给有准备的人。

来到最后歌迷最紧张的点唱环节，连续抽几首都是国语歌曲，Joey笑言：“搞咩，全部都国语歌，今晚系自由行之夜？”期间抽到不少歌迷写了很偏门的歌曲，就连政府的宣传歌也有人点唱，认真搞笑！其中有一个歌迷大胆点唱师兄的歌，令Joey尴尬非常，Joey读出点唱纸：“我觉得祖儿个人傻傻哋，有啲思觉失调，喂呢只唔系我嘅歌嚟㗎㖞，其实呢只歌又真系几好听嘅。”之后 Joey哼了句：“真系极危险连思觉像也失调。”粉丝应该收货了吧，最后虽然连续点唱了7首歌，但演唱会还是熬不过十二点，最终在 11：57分完场结束。

完骚到后台做访问时，Joey形容自己感觉很空虚，因这次演出筹备的时间太长，但未来得及消化已完骚，感觉很“思觉失调”，那为什么不在台上唱这歌呢？她回答道：“我唱咗两句啰，系导演话唔合符标准，我好想唱㗎，歌词都揾埋出嚟，但导演嗌停。”今晚师兄亦有到场支持，不过不是在幕前，而是在后台，做Joey背后的男人。Joey妈妈曾经患癌，这段期间一直都有在服药，但妈妈再累亦未有缺席任何一场演唱会，她说：“佢一路食紧药，啲药会有好多副作用，每晚见佢嚟支持我，但对佢嚟讲消耗好多体力，佢会话唔攰，但我完骚之后觉得佢瘦咗，同埋觉得佢身体虚弱咗，所以完骚之后佢都应该好好休息一下。”Joey预告月底将与妈妈到日本旅行，好好放一个假期轻松一下。