陈奕迅自爆3年前取消演唱会胡思乱想 ：瞓觉之前惊第日起唔到身

陈奕迅（Eason）相隔9年终于再度登上红馆舞台，于今晚（9日）假红馆举行一连25场演唱会《陈奕迅 Fear and Dreams香港演唱会》的头场。去到尾段，在唱出《幸福摩天轮》时，Eason避免触电而将耳机暂时脱下抹汗，听到现场歌迷疯狂尖叫几十秒时，Eason即冧爆表示：“我好想锡晒你哋！”

唱完29首歌后，Eason终于讲嘢，并直言最想感谢歌迷，最重要是与大家共聚：“年纪大咗，好容易喊。”更90度鞠躬向歌迷致谢。Eason提到入行以来都密密工作，几乎没有时间去思考太多，而2018年开始构思这个演唱会，无奈2019年演唱会取消，便自那时开始日思夜想何时才能重启演唱会，一心只想完成演唱会便愈谂愈惊，更担心到瞓觉之前会担心自己第二日起唔到身，笑言：“如果真系起唔到身，我有咩要交带呢？电话password使唔使要话俾边个听呢？银行啲钱点呢？捐咗佢定俾边个？冇乜钱架我。”并想到唯一办法就是唔好再谂：“我以前就觉得唔关我事，我净系唱歌啫，其实我都依加都唔知到件衫点解系咁，靓唔靓系你哋讲嘅啫，你同唔靓其实我冇所谓，系咪先，最紧要仲郁得咋嘛！”

当Eason唱完快歌Medley落台后，现场歌迷疯狂大叫Encore嗌足几分钟。最终Eason换上绿色T恤唱出《游离份子》，为头场划上圆满句号。