王菀之孖Serrini开骚获赞“年度最佳演唱会”　澄清分开企冇不和

歌手王菀之 （Ivana）联乘梁嘉茵（Serrini）一连四场“AIA Presents：Ivana x Serrini Fairy Nice To Meet You Live 2022”演唱会昨晚（4日）圆满结束，是次演唱会被歌迷誉为“CLS咁好睇、年度最佳演唱会”，几晚均有不少圈中好友都纷纷来捧场支持，包括林家谦，汤令山及女友Moon（邓凯文）、王丹妮、陈蕾、洪家豪、白子、袁礼林、黄耀明、泳儿、​​魏浚笙、乐队CAllStar的安仔、Cloud（云浩影）、COLLAR成员Day（许轶）和Candy（王家晴）、王嘉仪（Sophy）、邓小巧、林欣彤、MIRROR成员柳应廷等，Serrini父母、Ivana父母及老公也有现身支持。

Serrini笑言父母来看骚，故要“Watch my mouth”，其余每晚都不停讲Talk，妙语连珠精彩绝伦，令观众非常欢乐，昨晚她一出场就讲明：“今晚唔讲Talk住”，原来Serrini要寻回颈链，“我唔见左条颈链？圆形嘅......呢几日系个场到碌来碌去，刚刚先发现唔见咗。不过到我呢个岁数，是但有人出来话送多条畀我，我都会话Yes。今晚送炼𠮶个都有嚟，就圣诞啦，你可以送条新㗎啦！”

接著她又说：“我其实谂过唔好讲咁多无聊嘢，因为惊坏左Ivana艺术性，而一开始个几首歌，我同佢两个都冇行埋一齐唱，系因为我着到《唱K小鱼仙》咁，行过去似袭击露营人士。所以我哋分开，你咪以为我哋不和。”引得观众哈哈大笑，拍掌连连。Serrini感谢Ivana给予她机会展现温柔，又宣布即将推出一首温柔的国语专辑。

另一边厢，专心用歌声震摄人心的Ivana，昨晚唱完《The Pink Song》后笑说道：“我想话，我系讲嘢嘅......”终于开金口，引来歌迷欢呼无限。Ivana指从Serrini身上学会了说话的勇气，说了一个青黄红绿椒的笑话引来全场大笑后，她说：“其实因为我好钟意笑，但系又因为我好钟意个骚的造型，好靓、好有型，我一笑系会对眼会唔见咗，所以静咗。既然大家都打开心扉，我想分享吓，呢几日我弹琴𠮶阵，啲人赞我唔系净系话弹琴好听 ，系话只手好瘦，真系好瘦。点解？其实个个都得㗎，只要上面同下面都好大！成个世界讲紧系平行同比例，如果你想条腰好幼，都系要上下面好大。”

及后Ivana说出心底话：“多谢大家支持我呢个暖场，容许我讲少少感性说话，好开心今次同Serrini合作，作为一个创作人，能同人分享到自己作品，系一件好幸福事，每个人都有自己的故事，生活面对不同的困难同挑战，希望我的音乐作品可以系大家忧伤时，减轻大家嘅痛苦，喺大家开心时，又可以有一啲歌是听咗之后更开心，送畀大家《迷失艺术》。”

Ivana及 Serrini骚后异口同声表示合作得十分愉快，对于外间大赞这个骚是年度最佳之作，不少粉丝都感到意犹未尽，又问下次会否挑战红馆，两人指获赞赏当然开心，Ivana谦称：“合作咩时侯都可以，再玩就可能系其他新嘢。系咪年度最佳真系唔敢讲，要睇好多骚先知。”Serrini补充道： “你答你好好呀，我系台上，所以我睇唔到自己个骚好唔好，再合作都当然希望下次可以，但大家都休息吓先啦。”

问到最难忘的事，Ivana坦言几年来都没有开过大骚，所以一直是战战兢兢，努力训练状态，昨晚最难忘是出了小意外，“我呢个露营人士个帐幕唱唱吓打唔开，好彩Dancer够专业，我一路跳佢哋一路帮我搞返好。”另外，Serrini的裙子也几乎出事，“我食咗多少少烧味饭，拉唔到拉链，哈哈。所以乐手要不停咁奏咗5分钟音乐帮我顶住。至于晚晚拉头马，我当做Gym，我会话俾教练听，我系有做Cardio，哈哈。”

谈到Ivana分享了她爸爸睇骚时站立疯狂跳舞影片，原来片段是Ivana妈咪所拍，“自己收到时都好感动，好开心见到爸爸活泼投入的一面，好多谢妈咪纪录低畀佢睇。”Serrini则说：“我父母呢，系同人唔同，哈哈，佢哋我未唱完已经走先，话唔想咁迫人，都唔似 Ivana亲人咁，个个入晒嚟影相。”