Dear Jane演唱会｜“NJ孖宝”下年出道？　女女发烧Tim冇影响心情

乐队Dear Jane一连三场的《What’s Happening Live 2022》昨晚（18/11）于西九竹翠公园正式开锣，四子带来多首大热作品包括《只知感觉失了踪》、《经过一些秋与冬》、《人类不宜飞行》、《哪里只得我共你》，《不许你注定一人》等，全场多次大合唱气氛High爆。他们于骚后接受访问时高呼兴奋，亦非常期待明天第二场的来临，主音Tim说：“以为出嚟要叫啲人起身，点知大家企足全场，系正嘅。喺室外冇回音嘅地方，都听到大家嗌住同我一齐唱，真系感动，最开心系见到所有观众都开心，have a good time已经好满足。”

演唱会期间，有观众不断大叫“Howie唱歌”，阿Tim提议他明天可以唱多两首，Howie笑言：“我呢啲咁嘅声唱一只就啱㗎啦，唱多只就会开始走，有啲惊嘅。希望队友Jackal同Nice都可以有一只solo嘅歌，我觉得好玩。演唱会又可以有多啲variety，我主要都系弹结他，如果我唱一首半首，畀个variety人，开心啲个骚。”而Jackal和Nice又组成“NJ孖宝”唱出《身体语言》，观众睇得非常开心，二人表示：“等咗好耐啦，终于出道”，Nice笑指：“今日邀请到前辈艾粒做嘉宾”，Howie反问并补充：“直接挑战艾粒地位？（Nice：唔敢当，效法啦）唱片公司老板讲，如果佢两个出嚟唱歌有气氛，每晚都好气氛嘅话，就帮佢哋出首单曲，佢哋好卖力㗎。”Tim：“23年新人组合”。

Tim的太太杨洛婷（Rabeea）与一对仔女在开骚前到达，逗留约15分钟后，Rabeea透露因女女发烧故提早离场。Tim透露女女有少许发烧，但状态良好：“入到嚟（后台）玩嘅时候，我老婆问‘佢系咪有少少㷫’，我摸下佢额头，个感觉系㷫嘅，小小啰，安全啲就不如返屋企先，过两日再嚟睇。（会唔会影响自己心情？）唔会呀，小朋友系会咁㗎啦，我啲咁嘅父母（笑）。OK嘅，OK嘅，我个女系扎实、健康，高大，所以我完全唔担心。”

Dear Jane演唱会全场多次大合唱　主音Tim劲感动：Love You Guys

点击睇更多Dear Jane演唱会靓相：