曾比特自爆北上发展半年感不安：一个人喺内地好多环境都唔熟悉

曾比特去年签约环球唱片正式出道成歌手，推出多首大热情歌，更于今年初开始进攻内地市场，先后亮相TVB及内地节目《声生不息》和《披荆斩棘》。在北上工作的曾比特疑不堪压力，大爆公司只委派一名助理跟班，去到《披荆斩棘》中段更抽起该名助理，令所有事情都要他亲自与节目组交涉，甚至连宣传影片都要他亲自操刀，相反其他参加者的公司就全力帮旗下艺人，他曾经向公司表达不满，却不得要领，事件令他萌生去意。

今日（17/11）曾比特现身电视城出席“声生不息福禄寿”表演项目排练时，就事件接受《香港01》访问时说：“其实今次对我嚟讲系一个好大嘅学习，因为让我更了解佢哋认识佢哋，令我点样去同佢哋去沟通，呢个对我嚟讲系一个几好嘅经验。（当时要独个面对所有事情，是否未及适应而引发不满？）应该咁讲，我可以讲系不安多，当时我都有同家人同公司分享自己当时嘅感受，因为毕竟自己一个人喺内地，而且好多环境自己都系唔系好熟悉，变咗又要有好多嘢要自己去做，反而令到自己更加害怕。”

曾比特续说：“虽然公司喺香港，可以话远水不能够救近火，但佢哋都比咗好多意见我，因为我同公司嘅关系相辅相成。（话你当时嬲嬲猪，嬲有话唔续约？）咁又冇嬲嬲猪嘅，大家识我嘅都知我系一个极容易搓圆揿扁嘅人嚟，我遇到问题，就想知呢个问题点样去解决，当时喺内地就系唔知道点解决，就去问意见，好多时候都系咁样，唔可以话系嬲嬲猪，而系实则去解决好多嘢。(公司有冇捉你照肺?)我同公司沟通得好好，大家去互相去了解，反而呢个旅程，大家了解多咗。（对公司仲有冇离心先！）哈哈！离心力就有。可以咁，我同公司嘅关系还可以。”