梁汉文自爆老土技俩　大脚踢波到邻校：为咗执波睇女仔

梁汉文（Edmond）近日推出新歌《终身赞助》，歌曲讲人情味，而MV亦已出炉，为了纪录一些令他怀念的地方，在拍摄期间去了多个地方，包括有Edmond的中学母校，当中他寻回了昔日的音乐老师，又重回人生第一个舞台礼堂，Edmond忆述之前有老师荣休，他有回学校演出答谢老师教导，礼堂安装冷气时也有义唱筹款。

回忆最多就是球场，热爱足球的Edmond自爆：“我哋最钟意喺操场踢波时大脚踢过隔离女校，大家会乐意过去做执波仔，因为过去睇女仔！”要一脚将个波踢过铁丝网并唔容易，所以Edmond足球叻绝对唔是冇原因！之不过Edmond却没有如愿和隔离女校的女仔拍拖，反而初恋是同校高一级的师姐：“结果成功约到去食早餐，个朝食完早餐一齐系操场出场，大家都知我钟意佢，一见到我哋就大声嗌‘Edmond’！瘀到爆！”

Edmond钟意睇女仔之余亦是一个品学兼优的学生，当年曾经得过全级英文翻绎比赛冠军。坐在以前上课的坐位上，Edmond笑言自己坐的是“死亡座位”：“因为我当时身形细粒，所以成日被安排坐第一行，唔可以恰眼瞓，又唔可以倾偈，成日畀miss 睇住！”

而MV的最后一Part就是Edmond的碌人情卡时间，与一齐并肩作战多年坐圈中好友食饭，有杨千嬅、森美、雷颂德、小仪、王丹仪等。人越大就越难约食饭，所以Edmond就借拍MV为名，约食饭为实同旧朋友聚一聚旧，其中早前被指皱纹多、面皮松的森美更自嘲比Edmond老好多，他们又笑言觉得圈内人的新陈代谢比较慢，要好好Keep住，森美又分享一件趣事：“我同以前男校嘅同学出去食饭，搭升降机走嘅时候，我哋就话下次‘带埋啲女出嚟玩啦’，升降机入面其中一个师奶就好不肖咁，其实我哋意思系叫埋我哋个女出嚟玩啊，但佢误会咗。”