感激许廷铿无私陪伴走出孤单　吴林峰挑战《蚂蚁》克服童年阴影

许廷铿（Alfred）与吴林峰即将于11月18日假湾仔会展举行《Katch呈献：Music From Home 许廷铿 X 吴林峰音乐会》，两人的音乐道路都离不开香港这个家，今次他们希望借音乐会主题“Music From Home”带出另一种家的体会。Alfred说：“近年因为疫情关系，好多朋友离开咗呢个地方，亦有可能有人计划紧飞走。我想将屋企嘅定义拉阔啲，希望当晚入嚟睇嘅观众谂住‘咩系屋企？’，然后透过我哋嘅歌曲会有唔同嘅体会。”

不少歌手趁著开骚选择在舞台上突破自己，吴林峰也不例外，更要克服“童年阴影”，他透露在求学时期曾选唱Alfred的金曲《蚂蚁》参加歌唱比赛，怎料被歌唱老师叮出局：“我有次系K房唱完《蚂蚁》，好多朋友都话好听，话我把声好似Alfred，我就自信满满拣咗呢首歌去参加比赛！点知最后唔系输咗咁简单，系入唔到围呀，自此之后我就好唔钟意呢首歌，哈哈！”在“蚁洞”跌倒，就在“蚁洞”站起来！吴林峰预告将在音乐会上、在原唱面前，重新挑战《蚂蚁》，更邀请了当年把他淘汰的歌唱老师入场，誓要一雪前耻。

身为唱作人的Alfred与吴林峰，今次为音乐会破天荒联手炮制新歌，由吴林峰作曲，Alfred填词，并在音乐会上首次公开演唱。吴林峰坦言一直渴望写一首歌与对方合唱，希望“借歌敬fred”来感谢这位伯乐：“真系好多谢佢畀咗好多力量我，如果当时Alfred冇用到我首歌《雪糕》，可能我冇动力再写落去，我会选择去做社工，同小朋友唱吓歌就算。所以对于努力紧嘅人嚟讲，一份信任真系好重要。 ”

Alfred与吴林峰相识之际，他们的音乐事业也不约而同遇上难关，Alfred忆述当日计划自组公司时，吴林峰第一时间不计酬劳，自荐为他写歌。他说：“吴林峰嘅存在令我冇咁孤单，呢份情义令我有陪伴嘅感觉，所以你我之间好难计算。”Alfred还感触表示当日吴林峰在颁奖台上获得作曲人大奖时，花了很大篇幅来答谢他：“仲记得我当时已经喊到不似人形，坦白讲佢成日觉得我好，但调转返，一个等咗咁多年、咁重要嘅奖，佢第一个多谢唔系自己 、唔系屋企人，而系多谢我。我觉得系一件好无私嘅事，所以我真系好感动，可能呢个亦系我咁锡佢嘅原因。”