提好友AK与麻利拍拖放狗 天衡@One Promise：佢哋本身系好朋友
撰文： 关颖贤
出版：更新：
乐队One Promise与许志安、Zpecial齐齐为Viu TV节目《Chill Club》进行录影，今次One Promise更挑选了《作迟人》及《流泪行胜利道》跟前辈许志安Jam歌。接受《香港01》访问时，四子透露首次跟安仔合作前感紧张，更笑言担心会好恶，但一见面后安仔非常亲民，大家在jam歌期间都有讲有笑。
问到印象中是否觉得安仔好恶，Anton表示：“唔系，始终见一啲未见过嘅前辈都会有啲紧张。始终我哋仲系新人，会担心自己会唔会做得唔够好，好容易暴露我哋唔好嘅嘢。”四子透露大部分时间安仔都有跟One Promise互相谈及入行后遇到的困难，更互相分享秘密。Anton更大爆母亲原来是安仔中六的数学老师。
提到天衡与好友AK的生日只相差一天，两人可有互相祝福？天衡笑言：“佢有send message畀我，多谢我由认识到依家好多高高低低我都扶持住佢，掉返转佢都有咁做。”另外，讲到AK日前到西贡放狗时，绯闻女友麻利亚同一时间在自己的社交平台上载了身在西贡码头的照片，天衡直言曾经探望过AK的狗狗，不过只看到AK单独一人。问到AK与麻利是否拍拖，四子感错愕，表示：“吓？狗狗同麻利拍拖？”天衡就直言：“佢哋本身系好朋友嚟。”