小肥开骚获廖子妤任个唱嘉宾力撑 韦罗莎讲香港故事以NFT发售
撰文： 关颖贤
出版：更新：
歌手小肥即将于9月14及15日假旺角麦花臣场馆举行演唱会《 MODERN CLASSIC 2010-2020：“撑”小肥演唱会》，并同步推出全新专辑《Siufay Modern Classic 2010 – 2020》。为迎接出道15周年，今次小肥特别找来好戏之人廖子妤（Fish）及韦罗莎（Rosa）参与其中，凭她们悦耳的声线，为个唱及专辑加持。
这次小肥与陈辉阳合作推出《Siufay Modern Classic 2010 – 2020》，当中严选香港近十年乐坛的11首好歌，以及全新创作歌曲《废柴》，而每首歌曲都附有独白，细数香港这十年间的动人故事。小肥道：“我哋特别揾嚟香港作家陈慧为呢12首歌写咗不同嘅独白，当一气呵成去听，就会听到一个属于香港嘅故事。而呢啲独白，分别由Rosa同埋Fish演绎，当中Rosa嘅版本，会配以不同嘅画像，以NFT形式作推出，并会伴随演唱会门票发售，由于每首歌嘅NFT都系限量，要储齐一套绝不容易，但大家可以喺我嘅演唱会里面，透过Fish嘅演出，再埋我嘅歌声，听到、睇到成个故事。”
Fish的出现为小肥的演唱会锦上添花，小肥自己也十分期待今次在舞台上的合作，他说：“新鲜出炉嘅金像奖最佳女配角㖞！有佢嘅出现，系我嘅荣幸至真！”不过Fish则谦虚道：“今次好荣幸可以参与小肥嘅演唱会，虽然拍咗10几年戏，但对于舞台上嘅现场表演相对缺乏经验，所以对我来说也是相当大嘅挑战！”那可会造成压力？Fish表示：“好大挑战亦都好大压力，我系𠮶种答应咗就一定要做到最好嘅人。好多谢陈辉阳先生同小肥对我嘅信任，特别陈辉阳先生给我嘅鼓励，佢安排咗老师俾我做声音表演嘅训练，虽然堂数唔多，但非常有帮助。希望可以借由小肥嘅歌声和我嘅独白，述说香港呢10年浮荡嘅故事。”