林家谦演唱会｜落泪自认未够好开骚前想取消演出　多谢林夕鼓励

唱作人林家谦（Terence）七场红馆骚《Summer Blues》昨晚（28日）圆满结束。林家谦尾场感触特别大，他落泪抒发指开骚最大关口是自己：“觉得大家钟意我系侥幸，有觉得自己唱歌唔系好得，之前一直都唔会谂开骚。”演唱会总监冯贻柏（Alex Fung）鼓励他先入纸红馆：“佢话入咗纸都未必批，可能要两、三年先批，点知佢一吓就批咗。”

林家谦坦言为开骚努力制作了许多新歌，“但发现砌极都唔够歌，练歌又练到好沮丧，我开骚前两个礼拜都想取消个骚。”幸而有陈奕迅（Eason）和著名填词人林夕鼓励他，林夕更特意致电林家谦安慰他：“有人打嚟讲咗啲好好嘅说话，多谢夕爷。”他又感谢黄伟文（Wayman）帮助，“佢系覆盖咗我好多人生所有嘢。”

林家谦最后唱《边一个发明了Encore》，他忆述学生时期不想暑假结束的故事，并最终领悟到：“我发现好多嘢都唔使encore，只要记喺心入面就足够。”林家谦提到许多人未赶得切睇骚便离开香港：“好多人睇唔到7晚骚就离开咗呢个城市，希望你地会记住呢个城市嘅所有一切。”