海俊杰到乐富突击玩busking 有小朋友认得佢系《法证4》史钉
撰文： 钟冠全
出版：更新：
近排忙于宣传新歌“平行时空”嘅海俊杰日前受福音节目“2人3辘”邀请做嘉宾，海仔同主持人李有毅坐住三轮机动车周围去，当中就去到海仔小时候住过嘅地方。到达目的地嘅时候海仔感触良多话：“哗！个脑立即谂返起以前同爷爷嫲嫲一家人好开心嘅日子，真系好怀念（之后定格左10秒）回过神望到而家眼前现实景象真系有一种平行时空嘅感觉！真系好多感觉涌现，好有趣。”
当海仔坐住三轮机动车时不停话好爽，又话唔使戴头盔有种无拘无束嘅感觉，搞到我都心郁郁想考个电单车牌！另外节目更安排海仔去做busking，海仔话：“玩之前都有啲紧张㗎，又唔知多唔多人，又唔知有乜嘢反应，都唔理得咁多交俾神安排！”当Busking开始，唱新歌“平行时空”嘅时候就慢慢吸引到人流，工作人员于人群中留意到一位小学生用好纯熟拍摄手法咁用手机影住海仔仲不停重复同妈咪讲：佢系法证先锋𠮶个史钉呀！系史钉呀！当海仔知道后就放低之前嘅担心，仲好兴奋话真系好好玩，想再玩多几次。总结今次拍摄好顺利地完成真系好开心，好感恩，感谢主。